দ্বি’লম্বর বিররণ 5:32 - Chakma Bible

³² সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

দ্বি’লম্বর বিররণ 5:32 ပူးပေါင်းရင်းမြစ်များ

২ রাজাবলী 17:37

তে যেদক্কানি সুদোম, হুকুম, আইন আর উগুম তমাত্তে লিগি দিয়্যে সিয়েনি গমেডালে পালেবা। তুমি দেব-দেবেদার পূজো ন-গুরিবা।

২ রাজাবলী 21:8

ইস্রায়েলীয়গুনে যুনি বানা মর্‌ বেক্‌ উগুমানি গমেডালে পালান্‌ আর মর্‌ চাগর্‌ মোশি তারারে যে রীদি-সুদোমানি দিয়্যে সেধোক্ক্যেন গুরিনে চলন্‌ সালে মুই তারা পূরোণি মানুচ্চুনোরে যে দেজ্‌ছান দুয়োং সে দেজ্‌ছান তারাত্তুন্‌ আর ছাড়া ন-পুরিবো।”

২ রাজাবলী 22:2

লগেপ্রভুর চোগেন্দি যিয়েনি গম্‌ যোশিয় সিয়েনি গুরিদো আর তা পূরোনি মানুচ্‌ দায়ূদো ধোক্ক্যেন চলিদো সে পধত্তুন্‌ ডেনে- বাঙে ন-যেদঅ।

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 80:19

ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।

গম্ উপদেজ্ 3:2

কিত্তে সেক্কে তুই বোউত্ আয়ু পেবে আর তর্ বোউত্ ভালেদি অবঅ।

গম্ উপদেজ্ 4:27

ডেনেদি বা বাঙেদি ন-ফিরিবে; ভান্ন্যেয়ত্তুন্ তঅ টেঙানি দুরোত্ রাগেচ্।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিহিষ্কেল 20:19

মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 17:11

তারা রীদি-সুদোম পৌইদ্যেনে তমারে যিয়েনি শিক্ষ্যে দিবাক আর যে রায়য়ান দিবাক সে ধোক্ক্যেন তুমি কাম্‌ গুরিবা। তারা তমারে যিয়েনি গুরিবাত্তে কবাক্ তুমি ঠিগ্ সিয়েনিই গুরিবা, ইন্দি উন্দি ন গুরিবা।

দ্বি’লম্বর বিররণ 17:20

ইয়েনত্যে অন্য ইস্রায়েলীয় ভেইয়ুনোত্তুন্‌ নিজোরে দাঙর্‌ গুরি চেবার মনভাব তার্‌ মনত্‌ ন এবঅ আর রীদি-সুদোমত্তুন্ তে ইন্দি উন্দি সুরি ন যায়। ইয়েন্দোই তে আর তার বংশধরুনে ইস্রায়েলীয়গুনো উগুরে ভালোকদিন সং রাজাগিরি গুরি পারিবাক্।

দ্বি’লম্বর বিররণ 24:8

চামঅ পিড়ে দেগা দিলে তমাত্তুন্‌ উজিয়ার্‌ উয়া পুরিবো আর লেবীয় ধর্মগুরুগুনে যে উগুম দিবাক সিয়েনি দোলেডালে পালন গরা পুরিবো। মুই তারারে যে উগুম দুয়োং তমাত্তুন্‌ উজিয়ার্‌ ওইনে সেধোক্ক্যেনগুরি চলা পুরিবো।

দ্বি’লম্বর বিররণ 28:14

এচ্চ্যে মুই তমারে যেদক্কানি উগুম দুয়োঙর, দেব-দেবেদার পিজেন্দি যেইনে আর তারারে পূজো গুরিনে তুমি সিয়েনত্তুন ইন্দি উন্দি সুরি ন-যেবা।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 6:17

তমা গোজেন লগেপ্রভু যেদক্কানি উগুম্‌, উজিয়ারর্‌ কধা আর সুদোমানি দিয়্যে সিয়েনি হামাক্কায় তমাত্তুন্‌ পালন গরা পুরিবো।

দ্বি’লম্বর বিররণ 6:25

আমি যুনি আমা গোজেন লগেপ্রভুর মুজুঙোত্‌ তার্‌ উগুম মঝিম এ রীদি-সুদোমানি মানি চলিবাত্তে মনান্‌ দিই সালে সিয়েনোই অবঅ আমা পক্ষেন্দি তার্‌ আওজ্ মজিম্ চলানা।

দ্বি’লম্বর বিররণ 6:3

ইস্রায়েলীয়গুন, তুমি মঅ কধাগান শুনো আর উঝিয়ার্‌ ওইনে এ বেক্কানি মানি চলঅ, যেনে দুধ আর মধুলোই ভোজ্যে সেই দেজত্‌ যেবার্‌ পরেন্দি তমার পুরোণি মানুচ্চুনোর্‌ গোজেন লগেপ্রভুর এগেম্ মজিম তমার্‌ ভালেদি অয় আর তুমি মান্‌জ্যন্দি ভালোক্কুন্‌ বেশ্‌ ওইনে উদি পার।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 23:6

সেনত্তেই তুমি তমার বেক্‌ বলান্‌ দিইনে মোশির রীদি-সুদোমর্ বোইয়োত্‌ যিয়েনি লেগা আঘে সিয়েনি বেক্কানি পালঅ‌; সিয়োত্তুন ইন্দি উন্দি সুরি ন-যেয়ো।

২ পিতর 2:21

যুনিয়ো তারা গম জিংকানির্ পথ্‌তান হবর্ পেদাক্ তো যে পবিত্র উগুমান তারারে দিয়্যে যেইয়্যে সিয়েন তারা এলাফেলা গোজ্জ্যন।