দ্বি’লম্বর বিররণ 5:2 - Chakma Bible

² আমা গোজেন লগেপ্রভু হোরেব মুড়োবোত্‌ আমাত্তে এক্কান সুদোম থিদেবর্ গোজ্যে।

দ্বি’লম্বর বিররণ 5:2 ပူးပေါင်းရင်းမြစ်များ

২ রাজাবলী 17:35

লগেপ্রভু ইস্রায়েলীয়গুনোত্তে সুদোম থিদেবর গুরিবার সময়োত্‌ তারারে এ উগুমানি দিলো, “তুমি কনঅ দেব-দেবেদা পূজো ন-গুরিবা বা তারা ইদু মাধা ন-লোঙেবা আর তারারে সেবা বা তারা নাঙে উৎসর্ব ন-গুরিবা।

যাত্রা 19:1

মিসর দেজত্তুন্‌ নিগিলি এজানার্‌ পরেদি তিন্‌ মাসত্ ইস্রায়েলীয়গুনে সিনাই ধূল্যেচর-চাগালাত্‌ যেইনে লুমিলাক্কোই।

যাত্রা 24:8

এই কধানি শুনিনে মোশি লো নেযেইনে মানুচ্চুনো উগুরে ছিদি দিইনে কলঅ, “ইয়েন সেই সুদোমর্‌ লো, যে সুদোমানি লগেপ্রভু তমাত্তে এই কধা মজিম ঠিগ্ গোজ্যে।”

যাত্রা 34:10

ইয়েনর্ জোবত্‌ লগেপ্রভু কলঅ‌, মুই এক্কান্‌ সুদোম থিদেবর্ গোজ্যং। তর্‌ বেক্‌ মানুচ্চুনো মুজুঙোত্ মুই এমন্‌ আমক্‌ অবার্‌ কাম্‌ গুরিম্‌ যিয়েনি এর্‌ আগেন্দি পিত্‌থিমীত্‌ কনঅ‌ জাদর্‌ মুজুঙোত্‌ গরা ন-অয়। যে মানুচ্চুনো ভিদিরে তুই বজত্তি গরর্‌ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্‌ সিয়েনি মানুচ্চুনোর মনত্‌ কদক্‌ দর্‌ আর ভোক্তি জাগেই দে।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

যিরমিয় 34:13

মুই ইস্রায়েলর গোজেন লগেপ্রভু কঙর্, মুই যেক্কে তমা পুরোণি মানুচ্চুনোরে মিসরত্তুন, চাগর্ কাদানা দেজত্তুন্ নিগিলেই আন্যং সেক্কে তারাত্তে এ সুদোমান থির্ গুরিনে কোইয়োং,

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

দ্বি’লম্বর বিররণ 1:6

আমা গোজেন লগেপ্রভু হোরেব মুড়োবোত্‌ আমারে কোইয়্যেদে, এই মুড়োবোত্‌ তমার্‌ ভালোক্‌ দিন কাদি যেইয়্যে।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।