দ্বি’লম্বর বিররণ 5:13 - Chakma Bible

¹³ সাপ্তার্ ছয় দিন তুমি কাম্‌ গুরিবা আর তমার্‌ বেক্‌ কামানি গুরিবা,

দ্বি’লম্বর বিররণ 5:13 ပူးပေါင်းရင်းမြစ်များ

যাত্রা 20:9

সাপ্তায়্‌ ছয়দিন্‌ তুমি কাম্‌ গুরিবা আর তমার বেক্‌ কামানি গুরিবা,

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 34:21

“সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

দ্বি’লম্বর বিররণ 5:12

তমা গোজেন লগেপ্রভু তরে যেধোক্ক্যেন উগুম্‌ গোজ্যে সেধোক্ক্যেন গুরি তুমি জিরেবার্‌ দিন্নোরে মর্‌ নাঙে যুদো গুরি রাগেবা আর সিবে পালন গুরিবা।

দ্বি’লম্বর বিররণ 5:14

মাত্তর্‌ সাত দিন্নো অলদে তমা গোজেন লগেপ্রভুর নাঙে জিরেবার্‌ দিন। সেদিন্যে তুমি, তমা ঝি-পূঅগুন, তমা চাগর আর চাগরানীগুন, তমা গোরু আর গাধাগুন বা অন্য কনঅ য়েমান বা তমা আদামত্‌ বা শঅরত্‌ বজত্তি গোজ্যে অন্য জাদর্‌ মানুচ্‌-কনজনে কনঅ কাম্‌ গরানা ন-চলিবো। সেক্কে তমা চাগর্‌ আর চাগরানীগুনেয়ো তমা ধোক্ক্যেন জিরেই পারিবাক্।