দ্বি’লম্বর বিররণ 5:11 - Chakma Bible

¹¹ কনঅ ভান্ন্যেই আজালোই তুমি তমার গোজেন লগেপ্রভুর নাঙান ন-নেযেবা। যে সেধোক্ক্যেন গুরিবো তারে লগেপ্রভু সাজা দিবো।

দ্বি’লম্বর বিররণ 5:11 ပူးပေါင်းရင်းမြစ်များ

গীতসংহিতা 139:20

ভান্ন্যেই মনে তারা তঅ পৌইদ্যেনে নানান্ বাবোত্যে কধা কন্; তঅ শত্রুগুনে বজং আজাই তরে নাঙ্ গিনোন্।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

লেবীয় 19:12

মর্‌ নাঙে মিজে শমক্‌ হেইনে তমার গোজেনর্‌‌ নাঙানর্‌ পবিত্রতাগান্‌ বর্‌বাদ্ ন-গুরিবা। মুই লগেপ্রভু।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

যাকোব 5:12

মর্ ভেইয়ুন্, মুই বিশেজ্ গুরিনে এ কধাগান কং, তুমি স্বর্গ, পিত্‌থিমী বা অন্য কনঅ জিনিজো নাঙে শমক্ ন-হেয়ো। সিয়েনত্তুন্ বরং তমার “অয়,” “অয়” ওক্ আর “নয়,” “নয়”ওক্, যেন তুমি বিচেরর্ দায়ত্ ন-পড়।