দ্বি’লম্বর বিররণ 5:1 - Chakma Bible

¹ মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:1 ပူးပေါင်းရင်းမြစ်များ

গীতসংহিতা 78:7

সেক্কে তারা গোজেন উগুরে বিশ্বেজ্ গুরিবাক্; তার কামানি তারা ভুলি ন-যেবাক্ বরং তা উগুমানি পালেবাক্।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যাত্রা 18:20

সে পরেদি তুই তার্‌ বেক্‌ সুদোমানি আর উগুমানি পৌইদ্যেনে তারারে উজিয়ার্‌ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্‌ তারাত্তুন্‌ গরা পড়িবো সিয়েনি তুই তারারে বুঝেই দিবে।

মথি লেখ্যে গম্ হবর্ 23:3

ইয়েনত্তে তারা যিয়েনি গুরিবাত্তে কন্ সিয়েনি গরঅ আর যিয়েনি পালেবাত্তে উগুম্ দুয়োন্ সিয়েনি পালঅ।

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 12:1

তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 17:19

সিবে তাইদু থেবঅ আর সারা জীংকানিবর্‌ তাত্তুন্‌ সিবে পড়া পুরিবো যেনে তে তার্‌ গোজেন লগেপ্রভুরে ভোক্তিবলা গুরি দরাদে শিগে আর এ রীদি-সুদোমানি আর সুদোমর কধানি মানি চলে।

দ্বি’লম্বর বিররণ 28:15

মাত্তর্‌ তুমি যুনি তমার গোজেন লগেপ্রভুর কধালোই কান্‌ ন-পাদঅ আর এচ্চ্যে দিয়্যে মর্‌ এদক্কানি উগুম আর সুদোম গমেডালে ন-পালঅ, সালে এই বেক্‌ অভিশাব্‌পানি তমা উগুরে লামি এবঅ আর তমা লগে থেবঅ:

দ্বি’লম্বর বিররণ 29:10

তমার গোজেন লগেপ্রভুর মুজুঙোত্‌ এচ্চ্যে তুমি বেক্কুনে এইনে থিয়েইয়্য-থিয়্যেইয়োন্‌ তমার সদ্দারুনে আর নেতাগুনে, তমার বুড়ো নেতাগুনে আর চাগর-বাগরুনে আহ্‌ অন্য বেক্‌ ইস্রায়েলীয়গুনে।

দ্বি’লম্বর বিররণ 29:2

মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:49

সিয়েন ভিদিরে এলদে যর্দনর্‌ পূগেন্দি পুরো অরাবা চাগালাগান। ইয়েন্‌ পিস্‌গা মুড়োবো কামাগানর্‌ তলেন্দি অরাবার সাগর সং যেয়েগোই।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:2

আমা গোজেন লগেপ্রভু হোরেব মুড়োবোত্‌ আমাত্তে এক্কান সুদোম থিদেবর্ গোজ্যে।

দ্বি’লম্বর বিররণ 6:17

তমা গোজেন লগেপ্রভু যেদক্কানি উগুম্‌, উজিয়ারর্‌ কধা আর সুদোমানি দিয়্যে সিয়েনি হামাক্কায় তমাত্তুন্‌ পালন গরা পুরিবো।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।