দ্বি’লম্বর বিররণ 4:9 - Chakma Bible

⁹ যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

দ্বি’লম্বর বিররণ 4:9 ပူးပေါင်းရင်းမြစ်များ

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

গম্ উপদেজ্ 1:8

পুয়োবো মর্, তুই তঅ বাব্‌‌পো উপদেজ শুনিচ্; তর্ মা দিয়্যে শিক্ষ্যেনি ভুলি ন-যেচ্।

গম্ উপদেজ্ 23:26

মঅ পুয়োবো, মঅ শিক্ষ্যেগান মনযোগ দে; মঅ জিংকানিগান দেগিনে যেন তুই হুজি অচ্।

গম্ উপদেজ্ 3:21

মঅ পুয়োবো, তুই তরিৎ বুদ্ধি আর বিচের বুদ্ধি রোক্ষ্যে গর্, সিয়েনত্ মনযোগ দিচ্।

গম্ উপদেজ্ 7:1

মঅ পুয়োবো, মঅ কধাগান শুন্ আর মর্ বেক উগুমানি তঅ মনঅ ভিদিরে থুবেই রাগা।

যিশাইয় 38:19

বানা জেদাগুনে, জেদাগুনে তরে নাঙ্ গিনোন্ যেধোক্ক্যেন এচ্চ্যে মুই নাঙ্ গিনোঙর্; বাব্‌পো তা পুয়োগুনোরে তর্ এগেম কধা কোই থায়।‌

যিশাইয় 42:20

তুই ভালোক্কানি দেগিনেয়ো মনান্ ন-দুয়োর; তঅ কানান্ খুলো থেলেয়ো কিচ্চু ন-শুনোর্।”

যিরমিয় 17:21

লগেপ্রভু কোইয়্যেদে, ‘তুমি উজিয়ার অ; জিরেবার দিনোত্ কনঅ বুদি ন-বুয়োবা বা যিরূশালেমর গেট্‌তোদি সিগুন ভিদিরে ন-আনিবা। ‍‌‍‍‍‍‍

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

ইফিষীয় 6:4

তুমি যিগুনে বাপ, তুমি তমার পুয়ো-ছাগুনোরে তোচ্চ্যে ন-লাগেইয়ো, বরং প্রভুর শাসন আর শিক্ষ্যেই তারারে মানুচ্‌ গুরি তুলো।

দ্বি’লম্বর বিররণ 11:19

তমা ঝি-পূঅগুনোরে সিয়েনি শিগেবা। ঘরত্‌ বোই থেবার অক্তত্‌, পদেন্দি আদিবার্‌ অক্তত্‌, ঘুম্‌ যেবার অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি ইয়ানি পৌইদ্যেনে কধাবাত্তা কবা।

দ্বি’লম্বর বিররণ 12:1

তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 16:3

সে য়েমানর য়েরাগান তুমি সদা দিয়্যে পিদেলোই ন হেবা। সাত দিন সং তমাত্তুন্‌ দুখ্‌-কট্টগানি ইদোত্‌ তুলিনে সদাছাড়া পিদে হা পুরিবো, কিত্যে দরে যাদিমাদি গুরিনে তুমি মিসর দেজ্‌ছান ছাড়িনে এই যেয়োগোই। ইয়েন্দোই মিসর দেজত্তুন নিগিলি এজানার কধাগান তমাত্তুন সারা জীংকানিবর্‌ মনত্‌ থেবঅ।

দ্বি’লম্বর বিররণ 17:19

সিবে তাইদু থেবঅ আর সারা জীংকানিবর্‌ তাত্তুন্‌ সিবে পড়া পুরিবো যেনে তে তার্‌ গোজেন লগেপ্রভুরে ভোক্তিবলা গুরি দরাদে শিগে আর এ রীদি-সুদোমানি আর সুদোমর কধানি মানি চলে।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

দ্বি’লম্বর বিররণ 4:10

তুমি সে দিনোর্‌ কধা মনত্‌ তুল্য যেদিন্যে তুমি হোরেবত্‌ তমার্‌ গোজেন লগেপ্রভুর মুজুঙোত্‌ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্‌ এগত্তর্‌ গর্‌ যেনে তারা এ পিত্‌থিমীত্‌ সারা জিংকানিবর্‌ মরে ভোক্তি গুরি চুলিনে শিগি পারন্‌ আর তারার্‌ ঝি-পূঅগুনোরে মর্‌ উগুমোর্‌ কধাগানি শিক্ষ্যে দি পারন্‌।

দ্বি’লম্বর বিররণ 4:15

হোরেব মুড়োবোত্‌ যেদিন্যে লগেপ্রভু আগুনো ভিদিরেত্তুন্‌ তমা ইদু কধা কোইয়্যে সেদিন্যে তুমি কনঅ চেঙেরা ন-দেগঅ। সেনত্তে তুমি নিজো উগুরে অমকদ কড়া নজর্‌ রাগেবা,

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

দ্বি’লম্বর বিররণ 6:20

আগামিদি যেক্কে তমা পূঅগুনে তমারে পুযোর্‌ গুরিবাক্‌, আমার গোজেন লগেপ্রভু যেদক্কানি উঝিয়ারর্‌ কধা, সুদোম আর উগুম্‌ তমারে দিয়্যে সিয়েনির্‌ ভেদ্‌তান্ কি?

দ্বি’লম্বর বিররণ 6:7

তমার ঝি-পূঅগুনোরে তুমি বার্‌ বার্‌ সিয়েনি শিগেবা। ঘরত্‌ বৈ থেবার্‌ অক্তত্‌, পধন্দি যেবার্‌ অক্তত্‌, ঘুমেবার্‌ অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি এ বেপারানিলোই তেম্মাং গুরিবা।

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

দ্বি’লম্বর বিররণ 8:14

সেক্কে তুমি বার্বো ওইনে উদিবা আর যিবে মিসর দেজর্‌ চাগর্‌ খাদানাত্তুন্‌ তমারে নিগিলেই আন্যে তমার সেই গোজেন লগেপ্রভুরে তুমি ভুলি যেবা।

ইব্রীয় 2:1

ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

যাকোব 2:22

তুই দঅ দেগত্তে যে, তার্ বিশ্বেজ্‌চান আর কামান সেক্কে এক সমারে কাম গোজ্জ্যে আর তার কামানে তার্ বিশ্বেজ্‌চানরে পূরোগান্ দান গোজ্জ্যে।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।

যিহোশূয় 4:21

সে পরেন্দি তে ইস্রায়েলীয়গুনোরে কলঅ‌, “আগামিদি তমার বংশধরুনে যেক্কে এ পাত্তরুনোর অত্তগান্ তারার্‌ বাপ্পুনোরে পুজোর্‌ গুরিবাক্‌,

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।

বিচের গুরিয়্যেগুন 3:7

ইস্রায়েলীয়গুনে লগেপ্রভুর চোগোত্‌ যিয়েনি ভাজ্‌ন্যেই সিয়েনি গত্তাক্‌। তারা তারার্‌ গোজেন লগেপ্রভুরে ভুলি যেইনে বাল দেবেদাগুনোরে আর আশেরা দেবীগুনোরে পূজো ধুরিলাক্‌।

বিচের গুরিয়্যেগুন 8:34

যিবে তারারে চেরোকিত্তে বেক্‌ শত্রুগুনোর আঢত্তুন্‌ রোক্ষ্যে গোজ্যে তারার সেই গোজেন লগেপ্রভুরে তারা পুরি ফেলেলাক্‌।