দ্বি’লম্বর বিররণ 4:5 - Chakma Bible

⁵ আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 4:5 ပူးပေါင်းရင်းမြစ်များ

গীতসংহিতা 71:17

ও গোজেন, গাবুজ্যে অক্তত্তুন্ ধুরি তুই মরে শিক্ষ্যে দুয়োর্; এজঅ সং মুই তর্ আমক্ অবার কামর কধানি ফগদাং গরঙর্।

যাত্রা 18:20

সে পরেদি তুই তার্‌ বেক্‌ সুদোমানি আর উগুমানি পৌইদ্যেনে তারারে উজিয়ার্‌ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্‌ তারাত্তুন্‌ গরা পড়িবো সিয়েনি তুই তারারে বুঝেই দিবে।

যিরমিয় 11:6

লগেপ্রভু মরে যিহূদার শঅরানিত্ আর যিরূশালেমর পধে পধে এ কধাগান ফগদাং গুরিবাত্তে কলঅ, “এ বেবস্থার কধানি শুনিনে সিয়েনি পালঅ।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 26:46

ইয়েনিই অলঅ সেই উগুমানি, রীদি-সুদোম আর নিয়োম যিয়েনি সিনাই মুড়োবোত্‌ মোশির্‌ মাধ্যমে লগেপ্রভু তাঁর্‌ সুদোম ইজেবে ইস্রায়েলীয়গুনোত্তে থিদেবর্ গোজ্যে।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

লেবীয় 7:38

লগেপ্রভু সিনাই ধূল্যেচর-চাগালাত্ ইস্রায়েলীয়গুনোরে যেদিন্যে তার্‌ নাঙে উৎসর্বর জিনিস আনিবার উগুম দিয়্যে সেদিন্ন্যে তে সিনাই মুড়োবো উগুরে মোশিরে এ বেক্‌ সুদোমানি দিলো।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

১ করিন্হীয় 11:28

সেই রুটি আর সেই গলচ্চোত্তুন্ হেবার আগেদি মানুচ্‌ নিজোরে পোরোক্ষ্যে গুরি চোক্;

১ করিন্হীয় 15:3

মুই নিজে যিয়েন পেয়োং সিয়েন বেগত্তুন্ দরকারী বিষয় ইজেবে তমারেয়ো দুয়োং। সেই বিষয়ান অলঅ ইয়েন-পবিত্র বোইবোর্ কধা মজিম খ্রীষ্ট আমার্ পাপত্যে মোজ্জ্যে,

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

দ্বি’লম্বর বিররণ 4:4

মাত্তর্‌ তুমি যিগুনে তমা গোজেন লগেপ্রভুরে আজাবোদে ধোজ্য, তুমি বেক্কুনে এজঅ বাঁঝি আগঅ।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 7:11

সেনত্যেই এচ্ছ্যে মুই তমারে যেদক্কানি উগুম্‌, নিয়ম আর হুকুম্‌ দুয়োঙর্‌ সিয়েনি তুমি যত্তন্‌ গুরিনে পালন গুরিবা।

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

ইব্রীয় 3:5

ঘেচ্চ্যেকগুরি মোশি গোজেনর্ ঘোর্‌বো সেবাগুরিয়্যে ইজেবে বিশ্বেজি এলঅ, যেন ভবিচ্চদে যিয়েনি কুয়ো অবঅ সিয়েনি পৌইদ্যেনে তে স্বাক্ষ্য দি পারে।