দ্বি’লম্বর বিররণ 4:44 - Chakma Bible

^44-46 মোশি ইস্রায়েলীয়গুনো মুজুঙোত্‌ এ রীদি-সুদোমানি তুলি ধোজ্যে। মিসরত্তুন্‌ নিগিলি এজানার্‌ পরেন্দি তে যর্দনর্‌ পূগেন্দি হিষ্‌বোনোর্‌ ইমোরীয় রাজা সীহোনর্‌ দেজত্‌ বৈৎ-পিয়োরর মুজুঙো কিঝিঙানত্‌ ইস্রায়েলীয়গুনো ইদু এদক্কানি উঝিয়ারর্‌ কধা আর সুদোম আর উগুম্‌ জানেয়্যে। মিসর দেজত্তুন্‌ নিগিলি এজানার্‌ পরেন্দি মোশি আর ইস্রায়েলীয় রাজাবো সীহোনরে অদেই দিয়্যে।

দ্বি’লম্বর বিররণ 4:44 ပူးပေါင်းရင်းမြစ်များ

২ রাজাবলী 17:37

তে যেদক্কানি সুদোম, হুকুম, আইন আর উগুম তমাত্তে লিগি দিয়্যে সিয়েনি গমেডালে পালেবা। তুমি দেব-দেবেদার পূজো ন-গুরিবা।

লেবীয় 27:34

লগেপ্রভু ইস্রায়েলীয়গুনোত্তে এই বেক্‌ উগুমানি সিনাই মুড়োবোত্‌ মোশি ইদু দিয়্যেগোই।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

গণাণা 36:13

যিরীহোর উই কিত্তেন্দি যর্দন গাঙর্‌ পারত্‌ মোয়াবর সংজাগানত্‌ লগেপ্রভু মোশির্‌ মাধ্যমে ইস্রায়েলীয়গুনোরে এই বেক্‌ উগুমানি আর সুদোমানি দিলো।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

দ্বি’লম্বর বিররণ 1:5

রীদি-সুদোমর্ এই বেক্‌ কধানি মোশি যর্দন গাঙর্‌ পূগেন্দি মোয়াব দেজত্‌ ইস্রায়েলীয়গুনোরে বুঝেইনে কুয়া ধুরিলো। তে কলদে,

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

দ্বি’লম্বর বিররণ 27:3

আর সিগুনো উগুরে এ রীদি-সুদোমর্ বেক্‌ কধানি লিগিবা। তমার পুরোণি মানুচ্চুনোর গোজেন লগেপ্রভু তমা ইদু গোজ্যে তার এগেম্ মজিম দুধ আর মধুলোই ভোজ্যে যে দেজ্‌ছান তমারে দিবাত্তে যার্‌ তুমি সিয়েনত্‌ যানার পরেন্দি,

দ্বি’লম্বর বিররণ 27:8

যে পাত্তরুন তুমি উজু গুরি নেযেবা সিগুনো উগুরে এই রীদি-সুদোমর্ বেক্‌ কধানি অমকদ দোলেদালে লিগিবা।”

দ্বি’লম্বর বিররণ 33:4

আমা ইদু মোশি যে রীদি-সুুদোমানি দিলো, সিয়েনিই অলঅ যাকোব-গুট্টির ধন।

যিহোশূয় 12:1

অরাবা সং জাগানর পুরো পূগেদি ভাক্কান্‌ অর্ণোন কিজিঙোত্তুন্‌ হর্মোণ মুড়োবো সং যর্দন গাঙর্‌ পূগেদি ইমোরীয়গুনোর রাজা সীহোন আর বাশনর রাজা ওগরে ইস্রায়েলীয়গুনে ওদেই দিইনে তারার্‌ চাগালাগানি গজক্ গুরি নেযেয়োন্‌।