দ্বি’লম্বর বিররণ 4:4 - Chakma Bible

⁴ মাত্তর্‌ তুমি যিগুনে তমা গোজেন লগেপ্রভুরে আজাবোদে ধোজ্য, তুমি বেক্কুনে এজঅ বাঁঝি আগঅ।

দ্বি’লম্বর বিররণ 4:4 ပူးပေါင်းရင်းမြစ်များ

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 13:4

তমার গোজেন লগেপ্রভুর কধা মজিম্ তমাত্তুন্‌ চলা পুরিবো আর তারে ভোক্তি গরা পুরিবো। তুমি তার উগুমানি পালেবা আর তার বাধ্য ওইনে চলিবা; তুমি তারে সেবা গুরিবা আর তারে আজাবোদে ধুরি থেবা।

দ্বি’লম্বর বিররণ 4:3

লগেপ্রভু বাল-পিয়োরত্‌ যিয়েনি গোজ্যে সিয়েনি দঅ তুমি নিজোর্‌ চোগেদি দেখ্য। তমা ভিদিরে যিগুনে পিয়োরর বাল-দেবেদার্‌ পূজো গোজ্যন্‌ তমা গোজেন লগেপ্রভু তারারে বেক্কুনোরে তমা ভিদিরেত্তুন্‌ ভস্ত গোজ্যে,

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

যিহোশূয় 22:5

মাত্তর্‌ যেদক্কানি উগুম্‌ আর রীদি-সুুদোম লগেপ্রভুর্‌ চাগর্‌ মোশি তমারে দি যেইয়্যে সিয়েনি পালেবাত্তে মন্‌ দুয়ো। তমা গোজেন লগেপ্রভুরে কোচ্‌পেইয়ো, তা পথ্‌তানন্দি আদঅ‌, তার্‌ বেক্‌ উগুমানি পালঅ‌, তারে আজাবোদে ধরঅ‌ আর তমার্‌ বেক্‌ মনান্‌ আর পরাণান্‌ দিইনে তার সেবা গরঅ।”

যিহোশূয় 23:8

তুমি তমার্‌ গোজেন লগেপ্রভুরে আজাবোদে ধুরি রাগঅ‌, যেধোক্ক্যেনগুরি এচ্চ্যে সং তুমি গুরি এজর্‌।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।