দ্বি’লম্বর বিররণ 4:38 - Chakma Bible

³⁸ তে সিয়েন্‌ গোজ্যেদে যেনে তমাত্তুনো দাঙর্‌ আর বোলী জাদ্‌তুনোরে তমা মুজুঙোত্তুন্‌ ধাবেই দিইনে তারার্‌ দেজত্‌ তমারে নেযেই পারে আর সোম্বোত্তি ইজেবে সিয়েনি তমারে দি পারে; আর এচ্চ্যে সিয়েনোই ওইয়্যে।

দ্বি’লম্বর বিররণ 4:38 ပူးပေါင်းရင်းမြစ်များ

২ বংশধর 20:11

গজক্ গোজ্যে ইজেবে যে সোম্বোত্তিগান্‌ তুই আমারে দুয়োচ্‌ ইক্কিনে রিনি চাহ্, সিয়েনর্‌ বদলে তারা কেধোক্ক্যেন গুরিনে সিয়োত্তুন্‌ আমারে ধাবেই দিবাত্তে এত্তন্‌।

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

গণাণা 34:14

কিত্যে রূবেণ-গুট্টি, গাদ-গুট্টি আর মনঃশির্‌ অদ্দেক্ গুট্টির বংশগুনে তারার্‌ সোম্বোত্তি আগে আগে পেইয়োন।

গণাণা 34:15

পদথ্‌ যিরীহোর্‌ অন্যকিত্তেন্দি যর্দনর পূগ পারত্‌ তারা সেই সোম্বোত্তিগানি পেইয়োন।”

দ্বি’লম্বর বিররণ 11:23

সিয়েনি গুরিলে লগেপ্রভু তমা মুজুঙেত্তুন্‌ সে বেক্‌ জাদ্‌তুনোরে নিগিলেই দিবো, আর তুমি তমাত্তুন্‌ বেশ্‌ দাঙর্‌ দাঙর্‌ আর বোলী জাদ্‌তুনোরে গজক্ গুরিবা।

দ্বি’লম্বর বিররণ 2:31

পরেন্দি লগেপ্রভু মরে কলদে, চঅ, সীহোন আর তার্‌ রেজ্যগান্‌ মুই তমা আদত্‌ তুলি দিবাত্তে আরাম্ভ গোজ্যং। তুমি ইক্কিনে যেইনে তা দেজ্‌ছান্‌ জিদিবার কামত্‌ আত্‌ দুয়ো আর সিদু বজত্তি গুরিবাত্তে আরাম্ভ গরঅ।

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।