দ্বি’লম্বর বিররণ 4:31 - Chakma Bible

³¹ তমা গোজেন লগেপ্রভু দোয়্যেবলা; তে তমারে ফেলেইনে ন-যেবঅ বা ভস্ত ন-গুরিবো, বা শমক্‌ খেইনে তমা পুরোণি মানুচ্চুনোত্তে যে সুদোমানি থিদেবর্ গোজ্যে সিয়েনি ভুলি ন-যেবা।

দ্বি’লম্বর বিররণ 4:31 ပူးပေါင်းရင်းမြစ်များ

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

২ বংশধর 30:9

যুনি তুমি লগেপ্রভু ইদু ফিরি এজঅ সালে তমা ভেই আর ঝি-পুয়োগুনোরে যিগুনে বন্দী গুরি রাগেয়োন্‌ তারা সিগুনো উগুরে দোয়্যে দেগেবাক্‌। সেক্কে তারা এ দেজত্‌ ফিরি এই পারিবাক্‌, কিত্তে তমা গোজেন লগেপ্রভুর দোয়্যে আর মেইয়্যে ভরা। তুমি তাইদু ফিরি এলে তে তার্‌ মুয়োন্‌ ফিরেই ন-রাগেব।”

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 9:31

মাত্তর্‌ তর্‌ অমকদ দোয়্যের্‌ কারনে তুই তারারে শেজ্‌ গুরি ন-দুয়োচ্‌ বা ছাড়ি ন-যাজ্‌, কিত্যে তুই দোয়্যে-মেয়্যেবলা গোজেন্‌।

গীতসংহিতা 103:8

লগেপ্রভু দোয়্যে-মেয়্যেন্দি ভরা; তে সহজে বেজার্ ন-অয়, তার অমকদ কোচ্‌পানার থুম্ নেই।

গীতসংহিতা 105:8

যে কধানি উগুম তে দিয়্যে আজার আজার বংশত্তে, তার সেই সুদোমর কধানি তে উমরত্যে ইদোত্ রাগেব।

গীতসংহিতা 111:4

তে তার্ আমক্ অইদে কামানি নাঙ্ গিনেদে ধোক্ক্যেন্ রাগেল; তে দোয়্যে-মেয়্যেন্দি ভরা।

গীতসংহিতা 111:5

তা ভক্তগুনোরে তে হানা যুগেই দে; তার থিদেবর্ গোজ্যে সুদোমান তে কনদিন্‌অ ভুলি ন-যেবঅ।

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 116:5

লগেপ্রভু দোয়্যেবলা আর গম্; আমা গোজেনে দোয়্যে-মেয়েন্দি তুজিমপুরো।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

যাত্রা 6:8

যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

যিরমিয় 14:21

তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

লেবীয় 26:42

সালে মুই যাকোব, ইস্‌হাক আর অব্রাহামর্‌ লগে মর্‌ সুদোমর্‌ কধা আর তারার্‌ দেজর্‌ কধা মনত্‌ তুলিম্‌।

লেবীয় 26:44

তো শত্রুগুনোর্‌ দেজত্‌ থেবার্‌ অক্তত্‌ মুই তারারে এধোক্ক্যেনগুরি অগ্রাজ্য ন-গুরিম বা ঘিনাইদে চোগেদি ন-চেম্‌ যেনে তারা এক্কুবারেই ভস্ত ওই যান্‌ আর ইঙিরিনে তারা সমারে মর্‌ সুদোমান্‌ ভাঙি যায়। মুই লগেপ্রভু তারার্‌ গোজেন।

লেবীয় 26:45

তারাত্তেই তারার্‌ আগমানুচ্চুনো সমারে মর্‌ সুদোমর্‌ কধা মুই মনত্‌ তুলিম। এই আগমানুচ্চুনোর্‌ গোজেন অবঅ বিলি অন্য জাদর্‌ চোগো মুজুঙোন্দি মিসর্‌ দেজত্তুন্‌ মুই তারারে নিগিলেই আন্যং। মুই লগেপ্রভু।”

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

গণাণা 14:18

‘লগেপ্রভু এনেবাদে বেজার্ ন অয়, তার কোচ্‌পানার্‌ শেজ্ নেই আর তে অন্যেয় আর উল্লোমিগানি ক্ষেমা গরে, মাত্তর্‌ দুষীগুনোরে তে সাজা দে; তে বাবর্‌ অন্যেয়র্‌ সাজা তার্‌ বংশর তিন আর চের্‌ পুরুষ সং দি থায়।’

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।