দ্বি’লম্বর বিররণ 4:28 - Chakma Bible

²⁸ সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

দ্বি’লম্বর বিররণ 4:28 ပူးပေါင်းရင်းမြစ်များ

২ রাজাবলী 17:40

মাত্তর্‌ সে জাদ্‌তুনে সে কধানিলোই কান্‌ ন-পাদিনে তারার্‌ আগঅ অভ্যেস ধোক্ক্যেন চলা ধুরিলাক্‌।

যিশাইয় 26:14

তারা ইক্কিনে মুরি যেইয়োন্, আর জেদা নেই; তারার্ আত্মাগানি আর জেদা ওই ন-উদিবো। তুই তারারে সাজা দিইনে ভস্ত গুরি দুয়োচ্; তারার্ বেপারান্ তুই এক্কুবারে পুজি ফেল্যচ্।

যিশাইয় 44:11

যিগুনে মূত্তি লগে থান্ তারারে লাজত্ ফেলা অবঅ; তারার কালিগরুনে মানুচ্ বাদে আর্ কিচ্চু নয়। তারা বেক্কুনে এইনে একসমারে থিয়্যেদোক্; তারা দরে গির্‌গিরেবাক্ আর একসমারে অসর্মান অবাক্।‌‌‌

যিশাইয় 44:12

কামার্‌বো এক্কান মিশিন্ নেযায় আর সিয়েন্দোই জোল্ জোল্যে আঙারা ভিদিরে কাম গরে। তে মাত্তুল্লোই মূত্তিবোর সাইজ্‌চান বানায়, আর আঢ বল্লোই সিবে বানায়। সেক্কে তার পেট্ পুরে আর বল্ কুমি যায়; পানি ন-হেইনে তে বল্‌‌পোজ্যে ওই পড়ে।

যিশাইয় 44:9

যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

যিরমিয় 10:3

ইয়েনর কারনান্ সেই মানুচ্চুনোর ধর্মীয় আচার-বেবহারানি বাজে। তারা ঝারত্তুন্ এক্কো গাজ্ কাবন্ আর কালিগর্‌বো বাদালিলোই সিয়েনর সাইজ্‌চান দে। ‌‍‌‍‌‍‌

যিরমিয় 10:5

ফল খেদর্ চোড়োইয়ো ধোক্ক্যেন তারার মূত্তিগুনে কধা কোই ন-পারন; তারারে বুয়োই নেযা পরে, কিত্তে তারা আঢি ন-পারন। তুমি তারারে ন-দোরেয়ো; তারা খেতিয়ো গুরি ন-পারন, ভালেদিয়ো গুরি ন-পারন্।”

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিহিষ্কেল 20:32

তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 29:17

তক্তা, পাত্তর, সনা আর রূবোর বানেয়্যে জঘন্য মূত্তি আর আরুগ্ তুমি উই বেক্‌ মানুচ্চুনো ভিদিরে দেক্কো।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’