দ্বি’লম্বর বিররণ 4:26 - Chakma Bible

²⁶ সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।

দ্বি’লম্বর বিররণ 4:26 ပူးပေါင်းရင်းမြစ်များ

পত্থম 19:13

কিত্তে এ চাগালাগান্‌ ভস্ত গুরি ফেলেবাত্ত্যে আমি যুক্কোল ওই আগিই। এ চাগালার্‌ মানুচ্চুনো বিরুদ্বে লগেপ্রভু ইধু এদক্‌ বেশ্‌ গুরি রঅ রঅ অর্‌ যে, তে সিয়েন্‌ ভস্ত গুরিবাত্তে আমারে পাদেই দিয়্যে।”

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 2:12

ও আগাজ্‌‍‍চান্, ইয়েন দেগিনে আমক্ অ আরঅ অমকদ দোরেইনে গির্‌‍‍‍‍গিরা,

যিরমিয় 22:29

ও দেজ্, দেজ্, দেজ্, লগেপ্রভুর কধানি শুন।

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

লেবীয় 18:28

তুমিয়ো যুনি দেজ্‌চান ফি-বলা গরঅ সালে সিদুগোর্‌ আগঅ জাদ্‌তুনো ধোক্ক্যেন দেজ্‌চানে তমারেয়ো উগুলিনে ফেলেই দিবো।

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

মীখা 6:2

ও মুড়ো-মুড়িগুন, তুমি লগেপ্রভুর আবিত্তিগানি শুনো; ও পিত্‌‌‌‌‌‌‌‌‌‌থিমীর উমর খুদোগুন, তুমিয়ো শুনো। ইয়েনর কারনান্ তা মানুচ্চুনো বিরুদ্ধে লগেপ্রভুর কিজু কবার্ আঘে; তে ইস্রায়েল বিরুদ্ধে এক্কান মাম্‌‌‌‌‌‌‌‌‌‌‌লা দিয়্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 11:17

সেক্কে তমা উগুরে লগেপ্রভুর রাগর্‌ আগুনান জুলি উদিবো আর তে আগাজর্‌ দোরান বন্ধ গুরি দিবো, যিয়েনর্‌ কারনে ঝড়্অ ন-অবঅ আর ভূইয়োত্‌ ক্ষেত ক্ষেত্তিয়ো ন-অবঅ। যে দোল্‌ দেজ্‌ছান লগেপ্রভু তমারে দের্‌ সিয়েনত্তুন্‌ তুমি কম্‌ সময়োর্‌ ভিদিরে শেজ্ ওই যেবা।

দ্বি’লম্বর বিররণ 28:20

ভান্ন্যেই কামানি গুরিনে লগেপ্রভুরে ফেলে যেবার অপরাধে তমার বেক্‌ কামানিত্‌ তে তমারে অভিশাব্ দিবো, যাগুলুগোত্‌ ফেলেব আর ঘিনেব, যিয়েনর কারনে তুমি ক্ষয় যাদে যাদে কম্‌ সময়ো ভিদিরে শেজ্‌ ওই যেবা।

দ্বি’লম্বর বিররণ 28:22

ক্ষয় যাইদে পিড়ে, তিন বাবোত্যে জদবদে জ্বর, যুদ্ধো, গরম শুগুনো বোইয়্যের্‌ আর হরান্যেগান্-এই বেক্কানি লগেপ্রভু তমা উগুরে আনিবো আর তমারে দুখ্‌ দিবো যেদক্কন সং তুমি ভস্ত ওই ন-যঅ।

দ্বি’লম্বর বিররণ 28:45

এদক্কানি অভিশাব্ তমা উগুরে লামি এবঅ। তুমি তমার গোজেন লগেপ্রভুর বাধ্য ন-অনার কারনে আর তে যেদক্কানি উগুম আর সুদোম দিয়্যে সিয়েনি ন-পালানার কারনে এদক্কানি অভিশাব তমার পিজেন্দি লোড়ে লোড়েই এবঅ আর তমারে ধুরি ফেলেব আহ্‌ যেরেন্দি তুমি শেজ্‌ ওই যেবা।

দ্বি’লম্বর বিররণ 28:61

ইয়েনি বাদে লগেপ্রভু এদক্কানি পিড়ে আর আঘাত তমা উগুরে আনিবো যিয়েনির কধা এ রীদি-সুদোমর্ বোইবো ভিদিরে লেগা নেই, আর যেরেন্দি তুমি শেজ্‌ ওই যেবা।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

দ্বি’লম্বর বিররণ 31:28

তুমি তমার গুট্টির বুড়ো নেতাগুনোরে আর কামগুরিয়ে বেক্কুনোরে মঅ মুজুঙোত্‌ এগত্তর্‌ গর্‌। মুই তারারে এই বেক্‌ কধানি কবাত্তে চাঙ্‌ আর দাঙর্‌ আগাজ্‌ আর পিত্‌থিমীগানরে তারার বিরুদ্ধে সাক্ষী রাগেইনে যেবাত্তে চাং।

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

দ্বি’লম্বর বিররণ 7:4

কিত্যে সে মিলেগুনে তমা পূঅগুনোরে মত্তুন্‌ দূরোত্‌ সোরেই নেযেবাক্ আর দেব-দেবেদাগুনোর্‌ পূজো গুরিবাক। সেক্কে লগেপ্রভুর রাগর্‌ আগুনান্‌ তমার বিরুদ্ধে জুলি উদিবো আর লগে লগে তমারে ভস্ত গুরি ফেলেব।

দ্বি’লম্বর বিররণ 8:19

যুনি তুমি কনদিনঅ তমা গোজেন লগেপ্রভুরে ভুলি যেইনে দেব-দেবেদাগুনোর্‌ পিজেন্দি যঅ আর তারারে সেবা আর পূজো গরঅ, তো এচ্চ্যে মুই তমা বিরুদ্ধে এ কধাগান্‌ জদবদে গুরি কঙত্তে, তুমি ভস্ত ওই যেবা।

দ্বি’লম্বর বিররণ 8:20

লগেপ্রভু তমা মুজুঙোত্‌ যিদুক্কুন জাদরে ভস্ত গোজ্যে তারা ধোক্ক্যেন তুমিয়ো তমা গোজেন লগেপ্রভুর অবাধ্য অনার্‌ কারনে ভস্ত ওই যেবা।

যিহোশূয় 24:20

তুমি যুনি লগেপ্রভুরে ছাড়িনে দেব-দেবেদারে সেবা গরঅ সালে তে তমা ইন্দিত্তুন্‌ ফিরিবো আর যুনিয়ো তে আগেন্দি তমারে ভালেদি গোজ্যে মাত্তর্‌ সেক্কে তমা উগুরে অমংগল আনিনে তমারে শেজ্‌ গুরি দিবো।”