দ্বি’লম্বর বিররণ 4:23 - Chakma Bible

²³ তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 4:23 ပူးပေါင်းရင်းမြစ်များ

২ রাজাবলী 17:38

তমাত্তে যে সুদোমান মুই থিদেবর্ গোজ্যং সিয়েন্‌ মনত্‌ রাগেয়ো; কনঅ দেব-দেবেদা পূজো তুমি ন-গুরিবা,

১ বংশধর 16:15

যে কধানি তে উগুম্‌ দিয়্যে আজার্ আজার্ বংশত্তে, তার্‌ সে সুদোম কধানি জিংকানিবর্‌ ইদোত্‌ রাগেয়ো।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

যিহিষ্কেল 16:59

“তর্ কাম মজিম্ মুই তঅ লগে বেবহার গুরিম, কিত্যে তুই মর্ থিদেবর্ গোজ্যে সুদোমান ভাঙিনে মর্ শমক্তান্ তুচ্ছো গোজ্যস্।

যিহিষ্কেল 8:10

সেনত্তে মুই ভিদিরে যেইনে রিনি চেলুং আর দেবালর্ বেক্ জাগানিত্ নানান্ বাবোত্যে বুগেদি-আঢি বেড়েয়্যে প্রাণি আর অসিজি এ্যামানর চেঙেরা আর ইস্রায়েলীয়গুনোর বেক মূত্তির চেঙারানি খোদাই গরা আগেদে দেগিলুং।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

গণাণা 15:39

সেই ঝালোয়ারানি বাঁনিবা যেনে সিয়েনন্দি চোগ্‌ পুরিলে মর্‌ বেক্‌ উগুমোর্‌ কধানি তমাত্তুন্‌ মনত্‌ পড়ে আর তুমি সিয়েন্‌ মানি চলঅ। সালে তুমি মঅ উগুরে বিশ্বেজ্ ন-রাগেইনে তমার্‌ মনর্ আর চোগোর্‌ কামনা ইদু নিজোরে তুলি ন-দিবা।

মথি লেখ্যে গম্ হবর্ 24:4

জোবত্ যীশু কলঅ, জাগি থাগঅ, কেঅ যেন তমারে ন-ঠগায়,

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

লূকে লেখ্যে গম্ হবর্ 21:8

জোবত্ যীশু কলঅ, “জাগি থাগঅ, কেঅ যেন তমারে ন-ঠগায়, কিয়া ভালোক্‌জনে মঅ নাঙে এইনে কধা কবাক্, ‘মুয়ই সিবে!’ আর ‘সময় কায়কুরে এচ্চ্যে।’ মাত্তর্ তারারে ন-বেঙেয়ো।

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

দ্বি’লম্বর বিররণ 27:9

ইয়েনর্ পরেন্দি মোশি লেবীয় ধর্মগুরুগুনোরে নেযেইনে বেক্‌ ইস্রায়েলীয়গুনোরে কলদে, “ও ইস্রায়েলীয়গুন্‌, তুমি অলর্ গুরি শুনো। এচ্চ্যে তুমি তমার গোজেন লগেপ্রভুর নিজোর মানুচ্‌ ওইয়ো।

দ্বি’লম্বর বিররণ 29:25

ইয়েনর জোবপান্ অবঅ, কিত্যে এ জাদ্‌তো তারার পুরোণি মানুচ্চুনোর গোজেন লগেপ্রভুর সুদোমানি বাদ্‌ দুয়োন, যে সুদোমান মিসর দেজত্তুন্‌ তারারে নিগিলেই আনিবার পরেন্দি তে তারাত্তে থিদেবর্ গোজ্যে।

দ্বি’লম্বর বিররণ 31:20

তারার পুরোণি মানুচ্চুনো ইদু মর্‌ শমক্‌ গোজ্যে সেই দুধ আর মধুলোই ভরা দেজত্‌ যেক্কে মুই তারারে নেযেম্‌ আর যেক্কে তারা পেট ভরা খেইনে সুগেই থেবাক সেক্কে তারা মরে ঈচ্ গুরিনে মর্‌ সুদোমানি ভাঙিনে দেব-দেবেদাগুনোর্ পিজেন্দি যেইনে তারারে পূজো গুরিবাক।

দ্বি’লম্বর বিররণ 4:25

তুমি আর তমার বংশধরুনে সে দেজত্‌ ভালোক্‌ দিন বজত্তি গরানার্‌ পরেন্দি যেক্কে তুমি ভান্ন্যেই পদথ্‌ যেইনে পূজোত্তে মূত্তি বানেবা আর তমার গোজেন লগেপ্রভুর চোগেদি যিয়েনি ভান্ন্যেই সিয়েনি গুরিনে তারে অখুজি গুরিবা,

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

দ্বি’লম্বর বিররণ 5:2

আমা গোজেন লগেপ্রভু হোরেব মুড়োবোত্‌ আমাত্তে এক্কান সুদোম থিদেবর্ গোজ্যে।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।