দ্বি’লম্বর বিররণ 4:21 - Chakma Bible

²¹ তমাত্তে লগেপ্রভু মঅ উগুরে বেজার্‌ অলঅ। তে শমক্‌ খেইনে কোইয়্যেদে, সোম্বোত্তি ইজেবে যে অমকদ দোল্‌ দেজ্‌ছান তমার গোজেন্‌ লগেপ্রভু তমারে দিবাত্তে যার্‌, যর্দন গাঙান্‌ পার্‌ ওইনে মর্‌ সিদু যানা ন-অবঅ।

দ্বি’লম্বর বিররণ 4:21 ပူးပေါင်းရင်းမြစ်များ

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 15:4

যুনি তুমি পুরোপুরি গুরিনে তমার গোজেন লগেপ্রভুর কধালোই বাধ্য থাগ আর এচ্চ্যে মুই তমারে যেদক্কানি উগুম দুয়োঙর্‌ সিয়েনি মানি চলিবাত্যে মন দুয়ো, সালে হামাক্কায় তমা ভিদিরেত্তুন কনজনে নাঢা থেবার কধা নয়, কিত্যে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার সিয়েনত্‌ তে তমারে বোউত্‌ আশিদবাদ গুরিবো।

দ্বি’লম্বর বিররণ 19:10

তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

দ্বি’লম্বর বিররণ 24:4

মাত্তর্‌ তার্‌ পত্তম নেক্কো, যে তারে ছুড়্ কাবোজ্ দিয়্যে তে তারে আর লোয় ন-পারিবো, কিত্যে তে অসিজি ওই যেইয়্যে। এধোক্ক্যেন লো-লি অনা লগেপ্রভু ঘিনাই। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ তুমি ইঙিরিনে সিয়েন উগুরে পাপ ডাগি ন-আনিবা।

দ্বি’লম্বর বিররণ 26:1

তমার গোজেন লগেপ্রভু যে দেজ্‌চান সোম্বোত্তি ইজেবে তমারে দিবাত্তে যার্‌ তুমি সিয়েন্‌ গজক্ গুরিনে যেক্কে সিয়েনত্ বজত্তি গরা ধুরিবা,

দ্বি’লম্বর বিররণ 3:26

মাত্তর্‌ তমাত্তে লগেপ্রভু মঅ উগুরে বেজার্‌ অনায়্‌ মঅ কধাগান্‌ তে ন-শুনিলো। তে কলদে, জদবদে ওইয়্যে। এ পৌইদ্যেনে মরে আর ন-কোইয়ো।

দ্বি’লম্বর বিররণ 31:2

“মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।