দ্বি’লম্বর বিররণ 4:2 - Chakma Bible

² মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

দ্বি’লম্বর বিররণ 4:2 ပူးပေါင်းရင်းမြစ်များ

গীতসংহিতা 78:7

সেক্কে তারা গোজেন উগুরে বিশ্বেজ্ গুরিবাক্; তার কামানি তারা ভুলি ন-যেবাক্ বরং তা উগুমানি পালেবাক্।

গম্ উপদেজ্ 30:6

তা কধানি সমারে অন্য কনঅ কধা ন-মিজেবা; মিজেলে তে তঅ দুষ্‌‌ছান দেগেই দিবো, আর তুই মিজে কধা কোইয়্যে বিলিনে প্রমান্ অবঅ।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

মথি লেখ্যে গম্ হবর্ 5:43

তুমি শুন্ন্যদে, কুয়ো ওইয়্যে, তঅ পাড়াল্ল্যেগুনোরে কোচ্‌পেবে আর শত্রুরে ঘিনেবে।

গালাতীয় 3:15

ভেইলগ্, মুই এক্কান্ সাধারণ কধালোই বেপারান্ বুঝোঙর্। যেক্কে একবার মান্‌জ্যর মাধ্যমে কনঅ চুক্তি পাক্কা গুরি ফেলা অয় সেক্কে সেই চুক্তিগান্ কেঅ বাতিল গুরি ন-পারে বা সিয়েন সমারে কিচ্চু মিজেই ন-পারে।

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 13:1

ধোজ্য, তমা ভিদিরে কনঅ ভাববাদী বা স্ববন দেগিনে আগাম কধা কোই পারন্‌ এধোক্ক্যেন কনজন দেগা দিলো আর তমা ইদু কনঅ আমক্‌ অবার চিহ্নো বা কামর্‌ কধা কলঅ আর সিয়েনি ঘেচ্চেকগুরি ঘুদিলো। সে মানুচ্চোয়ো যুনি তমা ইদু নূয়ো এমন্‌ দেব-দেবেদাগুনো পৌইদ্যেনে কয়্‌, আদঅ, আমি দেব-দেবেদাগুনো ইদু যেইনে তারারে পুজো গুরিই,

দ্বি’লম্বর বিররণ 33:4

আমা ইদু মোশি যে রীদি-সুুদোমানি দিলো, সিয়েনিই অলঅ যাকোব-গুট্টির ধন।

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 8:35

মোশি এ পৌইদ্যেনে যেদক্কানি উগুম দিয়্যে তার এক্কো শব্দয়ো বাদ ন-দিইনে যিহোশূয় পুরো ইস্রায়েল সমাজরে সিয়েন পোড়েই শুনেল। এ সমাজ ভিদিরে মিলে, পূঅ-ঝি আর তারা ভিদিরে বজত্তি গোজ্যে অন্য জাদর্ মানুচ্চুনেয়ো এলাক্‌।