দ্বি’লম্বর বিররণ 4:15 - Chakma Bible

¹⁵ হোরেব মুড়োবোত্‌ যেদিন্যে লগেপ্রভু আগুনো ভিদিরেত্তুন্‌ তমা ইদু কধা কোইয়্যে সেদিন্যে তুমি কনঅ চেঙেরা ন-দেগঅ। সেনত্তে তুমি নিজো উগুরে অমকদ কড়া নজর্‌ রাগেবা,

দ্বি’লম্বর বিররণ 4:15 ပူးပေါင်းရင်းမြစ်များ

১ রাজাবলী 19:12

ভূজোলান পরেন্দি দেগা দিলোদে আগুন্‌, মাত্তর্‌ সে আগুনোর্‌ ভিদিরেয়ো লগেপ্রভু ন-এলঅ। সে আগুনান পরেন্দি ফিস্‌ ফিস্‌ রঅ ধোক্ক্যেন্ কিজু রঅ শুনো গেলঅ।

গীতসংহিতা 119:9

গাবুজ্যে কেধোক্ক্যেন্ গুরি তা জিংকানিগান দোল্ গুরি পারিবো? তর্ কধানি পালেইনে সিয়েনি পারিবো।

যাত্রা 19:1

মিসর দেজত্তুন্‌ নিগিলি এজানার্‌ পরেদি তিন্‌ মাসত্ ইস্রায়েলীয়গুনে সিনাই ধূল্যেচর-চাগালাত্‌ যেইনে লুমিলাক্কোই।

যাত্রা 20:4

পূজো গুরিবার্‌ নাঙে তুমি কনঅ‌ মূত্তি ন-বানেবা, সিবে আগাজর্‌ কনকিজু ধোক্ক্যেন ওক্‌ বা মাদি উগুরে কনঅ‌ কিজু ধোক্ক্যেন ওক্‌ বা পানি ভিদিরেত্তুন্‌ কনঅ কিজু ধোক্ক্যেন ওক্।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

গম্ উপদেজ্ 4:27

ডেনেদি বা বাঙেদি ন-ফিরিবে; ভান্ন্যেয়ত্তুন্ তঅ টেঙানি দুরোত্ রাগেচ্।

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিরমিয় 17:21

লগেপ্রভু কোইয়্যেদে, ‘তুমি উজিয়ার অ; জিরেবার দিনোত্ কনঅ বুদি ন-বুয়োবা বা যিরূশালেমর গেট্‌তোদি সিগুন ভিদিরে ন-আনিবা। ‍‌‍‍‍‍‍

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

দ্বি’লম্বর বিররণ 10:4

লগেপ্রভু পত্তম দ্বিবে সীলপাদ উগুরে যে কধানি লেখ্যে এ দ্বিবে উগুরেয়ো সিয়েনি লিগিনে দ্বিবে সীলপাদ্ মরে দিলো। সে কধাগানি অলঅ তার্‌ সেই দশ্‌ছান উগুম্‌ যিয়েনি তে তমার বেক্কুনোরে একসমারে এগত্তর্‌ অবার্‌ দিন্নোত্‌ মুড়োবো উগুরে আগুনো ভিদিরেত্তুন্‌ তমা ইদু ফগদাং গোজ্যং।

দ্বি’লম্বর বিররণ 4:12

সে সলাবোত্‌ আগুনো ভিদিরেত্তুন্‌ লগেপ্রভু তমা ইদু কধা কোইয়্যে। তুমি তা কধানি শুন্ন্য মাত্তর্‌ কনঅ চেঙারা ন-দেগঅ, বানা রঅবো শুন্ন্য।

দ্বি’লম্বর বিররণ 4:14

যর্দন গাঙান্‌ পার্‌ ওইনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ যেইনে তমার্‌ যে সুদোম আর রীদি-সুদোমানি পালন গুরিনে চলা পুরিবো সিয়েনি তমারে শিগেবাত্তে সে সলাবোত্‌ লগেপ্রভু মরে উগুম্‌ দিয়্যে।

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

দ্বি’লম্বর বিররণ 5:4

লগেপ্রভু সে মুড়োবো উগুরে আগুনো ভিদিরেত্তুন্‌ তমা মুজুঙোত্‌ কধা কোইয়্যে।

দ্বি’লম্বর বিররণ 5:8

পূজোর্‌ নাঙে তুমি কনঅ মূত্তি ন-বানেবা, সিবে আগাজর্‌ কনঅ কিজু ধোক্ক্যেন ওক্‌ বা মাদি উগুরে কনঅ কিজু ধোক্ক্যেন ওক্‌ বা পানি উগুরে কনঅ কিজু ধোক্ক্যেন ওক্‌।

দ্বি’লম্বর বিররণ 9:10

লগেপ্রভুর নিজোর্‌ লেগা রোইয়্যে এন্‌ দ্বিবে পাত্তরর্‌ আরুগ লগেপ্রভু মরে দিয়্যে। তুমি বেক্কুনে যেদিন্যে লগেপ্রভুর মুজুঙোত্‌ এগত্তর্‌ ওইয়ো সেদিন্যে তে মুড়ো উগুরে আগুনো ভিদিরেত্তুন্‌ যেদক্কানি উগুম তমা ইদু ফগদাং গোজ্যে সিয়েনি সেই আরুগ্ দ্বিবে উগুরে লেগা এলঅ।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।