দ্বি’লম্বর বিররণ 4:12 - Chakma Bible

¹² সে সলাবোত্‌ আগুনো ভিদিরেত্তুন্‌ লগেপ্রভু তমা ইদু কধা কোইয়্যে। তুমি তা কধানি শুন্ন্য মাত্তর্‌ কনঅ চেঙারা ন-দেগঅ, বানা রঅবো শুন্ন্য।

দ্বি’লম্বর বিররণ 4:12 ပူးပေါင်းရင်းမြစ်များ

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 20:22

লগেপ্রভু মোশিরে কলঅ‌, “তুই ইস্রায়েলীয়গুনোরে এই কধাগান্‌ কঅ‌, ‘মুই লগেপ্রভু স্বর্গত্তুন্‌ দঅ তমা লগে কধা কোইয়োং সিয়েন্‌ তুমি নিজোর্‌ চোগে দেখ্য।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 40:6

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মথি লেখ্যে গম্ হবর্ 3:3

এ যোহন পৌইদ্যেনে ভাববাদী যিশাইয় কোইয়্যেদে, ধূল্যেচর-চাগালাত্ একজনে রঅ ছাড়িনে জানাত্তে, “তুমি প্রভুর্ পথ্‌তান ঠিগ্ গরঅ; তা পথ্‌তান উজু গরঅ।”

দ্বি’লম্বর বিররণ 10:4

লগেপ্রভু পত্তম দ্বিবে সীলপাদ উগুরে যে কধানি লেখ্যে এ দ্বিবে উগুরেয়ো সিয়েনি লিগিনে দ্বিবে সীলপাদ্ মরে দিলো। সে কধাগানি অলঅ তার্‌ সেই দশ্‌ছান উগুম্‌ যিয়েনি তে তমার বেক্কুনোরে একসমারে এগত্তর্‌ অবার্‌ দিন্নোত্‌ মুড়োবো উগুরে আগুনো ভিদিরেত্তুন্‌ তমা ইদু ফগদাং গোজ্যং।

দ্বি’লম্বর বিররণ 4:11

সেক্কে তুমি কায়-কুরে যেইনে সে মুড়োবোর্‌ তলে থিয়্যেয়ো; আর সেক্কে আন্ধারত্‌ ঘিজ্যে মুড়োবো মেক্কোই আর ঘুর্‌গুজ্যে আন্ধারত্ ভরপুনং আগাজত্‌ সং জ্বলের্‌।

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।

দ্বি’লম্বর বিররণ 4:15

হোরেব মুড়োবোত্‌ যেদিন্যে লগেপ্রভু আগুনো ভিদিরেত্তুন্‌ তমা ইদু কধা কোইয়্যে সেদিন্যে তুমি কনঅ চেঙেরা ন-দেগঅ। সেনত্তে তুমি নিজো উগুরে অমকদ কড়া নজর্‌ রাগেবা,

দ্বি’লম্বর বিররণ 4:33

তমা ধোক্ক্যেন গুরি অন্য কনঅ জাদর্‌ মানুচ্‌ আগুনো ভিদিরেত্তুন্‌ গোজেনরে কধা কদে শুনিনে বাঁজি আগন্‌ নাহি।

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

দ্বি’লম্বর বিররণ 5:22

সে মুড়োবো উগুরে আগুন, মেঘ আর ঘুর্‌গুজ্যে আন্ধার ভিদিরেত্তুন্‌ লগেপ্রভু এ উগুমানি তমা বেক্কুনো ইদু রঅ ছাড়িনে ফগদাং গোজ্যে। ইয়েনি বাদে তে তমা ইদু আর কিজু ন-কয়। পরেদি তে সিয়েনি দ্বিবে পাত্তর আরুগো উগুরে লিগিনে মইদু দিলো।

দ্বি’লম্বর বিররণ 5:4

লগেপ্রভু সে মুড়োবো উগুরে আগুনো ভিদিরেত্তুন্‌ তমা মুজুঙোত্‌ কধা কোইয়্যে।

দ্বি’লম্বর বিররণ 9:10

লগেপ্রভুর নিজোর্‌ লেগা রোইয়্যে এন্‌ দ্বিবে পাত্তরর্‌ আরুগ লগেপ্রভু মরে দিয়্যে। তুমি বেক্কুনে যেদিন্যে লগেপ্রভুর মুজুঙোত্‌ এগত্তর্‌ ওইয়ো সেদিন্যে তে মুড়ো উগুরে আগুনো ভিদিরেত্তুন্‌ যেদক্কানি উগুম তমা ইদু ফগদাং গোজ্যে সিয়েনি সেই আরুগ্ দ্বিবে উগুরে লেগা এলঅ।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,