দ্বি’লম্বর বিররণ 4:1 - Chakma Bible

¹ ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:1 ပူးပေါင်းရင်းမြစ်များ

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।

যাত্রা 18:20

সে পরেদি তুই তার্‌ বেক্‌ সুদোমানি আর উগুমানি পৌইদ্যেনে তারারে উজিয়ার্‌ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্‌ তারাত্তুন্‌ গরা পড়িবো সিয়েনি তুই তারারে বুঝেই দিবে।

যিরমিয় 11:6

লগেপ্রভু মরে যিহূদার শঅরানিত্ আর যিরূশালেমর পধে পধে এ কধাগান ফগদাং গুরিবাত্তে কলঅ, “এ বেবস্থার কধানি শুনিনে সিয়েনি পালঅ।

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

যিহিষ্কেল 20:11

মুই তারারে মঅ সুদোমান দিলুং আর মর্ রীদি-সুদোমানি তারারে জানেলুং; যে সিয়েনি পালেব তে সিয়েনর্ ভিদিরেদি জিংকানি পেবঅ।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

লেবীয় 19:19

মর্‌ সুদোমান মানি চলা পুরিবো। নানান্ জাদর্‌ য়েমান সমারে কিয়্যেদি মিজেনা ন-চলিবো। একই ক্ষেদত্‌ দ্বিবাবোত্যে বীজ লাগানা ন-চলিবো। দ্বিজাদর্‌ সুদোলোই বুন্যে কাবড় উরোনা ন-চলিবো।

লেবীয় 19:37

মর্‌ বেক্‌ সুদোমানি তমাত্তুন্‌ পালন গরা পুরিবো আর বেক্‌ রীদি-সুদোমানি মানি চলা পুরিবো। মুই লগেপ্রভু।”

লেবীয় 20:8

মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

লেবীয় 22:31

মর্‌ উগুমানি তমাত্তুন্‌ মানা পুরিবো আর সেধোক্ক্যেন গুরি আদা পুরিবো। মুই লগেপ্রভু।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

রোমীয় 10:5

রীতি-সুদোম পালেইনে গোজেনর্ যগাজ্জ্যে অনা পৌইদ্যেনে মোশি লেখ্যেদে, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ”

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 13:1

ধোজ্য, তমা ভিদিরে কনঅ ভাববাদী বা স্ববন দেগিনে আগাম কধা কোই পারন্‌ এধোক্ক্যেন কনজন দেগা দিলো আর তমা ইদু কনঅ আমক্‌ অবার চিহ্নো বা কামর্‌ কধা কলঅ আর সিয়েনি ঘেচ্চেকগুরি ঘুদিলো। সে মানুচ্চোয়ো যুনি তমা ইদু নূয়ো এমন্‌ দেব-দেবেদাগুনো পৌইদ্যেনে কয়্‌, আদঅ, আমি দেব-দেবেদাগুনো ইদু যেইনে তারারে পুজো গুরিই,

দ্বি’লম্বর বিররণ 16:20

যে দেজ্‌ছান তমার গোজেন লগেপ্রভু তমারে দের্‌, তুমি যেনে বাঁজি থেইনে সিয়েন ভোগ-গজক্ গুরি পার সেনত্যে তুমি বানা ন্যায়ানরে মানি চলিবা।

দ্বি’লম্বর বিররণ 30:16

এচ্চ্যে তমা ইদু মর্‌ উগুম ইয়েন, তুমি তমার গোজেন লগেপ্রভুরে কোচ্‌পেবা, তার পদেন্দি চলিবা আর তার উগুমানি, সুদোমানি আর হুকুমানি মানি চলিবা। সালে তুমি বাঁজিবা আর সোংখ্যেন্দি বাড়িই উদিবা, আর যে দেজ্‌ছান তুমি গজক্ গুরিবাত্তে যর্‌ সিয়েনত্ তমার গোজেন লগেপ্রভু তমারে আশিদ্‌বাদ গুরিবো।

দ্বি’লম্বর বিররণ 30:19

“তমা বিরুদ্ধে দাঙর্‌ আগাজ্‌ আর পিত্‌থিমীগানরে সাক্ষী রাগেইনে মুই কঙত্তে, এচ্চ্যে মুই তমা মুজুঙোত্‌ জীংকানি বা মরণর আর আশিদ্‌বাদর বা অভিশাব্‌পানি তুলি ধুরিলুং। তুমি জীংকানিগানরে বেঈ নেযঅ, যেনে তুমি আর তমার ঝি-পূঅগুনে বাঁজি থান্‌ আর তমার গোজেন লগেপ্রভুরে কোচ্‌পঅ, তার কধানি শুনো আর তারে আজাবোদে ধুরি রাগঅ, কিত্যে ইগুনো ভিদিরে আগে তমার জীংকানিগান। যে দেজ্‌ছান দিবার শমক্ তে তমার পুরোণি মানুচ্‌ অব্রাহাম, ইসহাক আর যাকোব ইদু গোজ্যে সিয়েনত্ ইয়েন ভিদিরে আঘে তমার আয়ুগান।”

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 4:8

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ সুদোম আর রীদি-সুদোমানি তমা ইদু এচ্ছ্যে মর্‌ দিয়্যে সুদোম ধোক্ক্যেন গমান ইন্দি সয়্‌সাগর্‌?

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 6:24

এচ্চ্যে ধোক্ক্যেন যেন আমিঝে আমার্‌ ভালেদি অয় আর আমি বাঁঝি থেই পারিই সেনত্যে লগেপ্রভু আমারে এ বেক্‌ সুদোমানি পালন গুরিবাত্তে আর আমা গোজেন লগেপ্রভুরে ভোক্তি গুরিবাত্তে উগুম্‌ দিয়্যে।

দ্বি’লম্বর বিররণ 7:11

সেনত্যেই এচ্ছ্যে মুই তমারে যেদক্কানি উগুম্‌, নিয়ম আর হুকুম্‌ দুয়োঙর্‌ সিয়েনি তুমি যত্তন্‌ গুরিনে পালন গুরিবা।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।

দ্বি’লম্বর বিররণ 8:11

তুমি উঝিয়ার্‌ থেবা যেনে এচ্চ্যে মুই তার্‌ যেদক্কানি উগুম, হুকুম আর সুদোম তমারে দুয়োঙর্‌ সিয়েনি ন-মানিনে তুমি তমার গোজেন লগেপ্রভুরে পুরি ন-ফেলেইয়ো।

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

যিহোশূয় 3:9

যিহোশূয় ইস্রায়েলীয়গুনোরে কলঅ‌, “তুমি ইদু এজঅ‌ আর তমা গোজেন লগেপ্রভু যিয়েনি কোইয়্যে সিয়েনি শুনো।