দ্বি’লম্বর বিররণ 34:9 - Chakma Bible

⁹ নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

দ্বি’লম্বর বিররণ 34:9 ပူးပေါင်းရင်းမြစ်များ

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

১ বংশধর 29:23

সেক্কে শলোমনে তাহ্ বাপ্পো দায়ূদো জাগানত্‌ রাজা ইজেবে লগেপ্রভুর সিংহাসনত্‌ বুজিলো। তে বেক্কানিন্দি গম ফোলেল আর বেক্‌ ইসায়েল মানুচ্চুনে তা কধা মজিম্‌ চলিদাক্‌।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 28:3

মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 31:3

মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

দানিয়েল 6:3

দানিয়েলে নিজোর্ গুণোত্তে অন্য রাজ-পরিচালক আর রেজ্যর্ শাজন্‌গুরিয়্যেগুনোত্তুন্ নিজোরে আরঅ গম্ বিলি প্রমাণ গুরিলো। সিয়েনর্ কারনে মহারাজে তারে গোদা রেজ্যগানি উগুরে নেযেব বিলি ঠিগ্ গুরিলো।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 6:6

পরেদি তারা এ মানুচ্চুনোরে প্রচারক্কুনো ইধু নেযেলাক্। সেক্কে প্রচারক্কুনে তবনা গুরিলাক্ আর কামত্ নেযেবাত্তে তারা উগুরে আঢ্ রাগেলাক্।

দ্বি’লম্বর বিররণ 34:8

ইস্রায়েলীয়গুনে মোয়াবর সংজাগানত্‌ ত্রিশ দিন সং মোশিত্যে কানাকুদি গুরিলাক। সে পরেন্দি তারার কানা-কুদি আর আবিলেচ্‌-ফগদাঙর সময় শেজ্‌ অলঅ।

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।