দ্বি’লম্বর বিররণ 34:7 - Chakma Bible

⁷ মুরি যেবার সময়োত্‌ মোশির বয়স এলঅ একশঅ কুড়ি বজর। সেক্কেয়ো তার দেগিবার দৃষ্টিগান কুমি ন-যায় বা তার কিয়্যের্ জোরানঅ কুমি ন-যায়।

দ্বি’লম্বর বিররণ 34:7 ပူးပေါင်းရင်းမြစ်များ

পত্থম 27:1

বুড়ো বয়জত্‌ ইস্‌হাকে চোগেদি রিনি চেবার খেমতাগান এদক্‌ কুমি গেলদে যে, যেরেন্দি তে আর কিচ্ছু ন দেগিদো। একদিন্যে তে তার দাঙর্‌ পুয়ো এষৌরে ডাগিনে কলঅ, “মর্ বাবা।” এষৌ জোবত্ কলঅ, “এইয়্যে দঅ মুই।”

পত্থম 48:10

বুড়ো বয়জত্‌ চোগেদি দেগিবার্‌ খেমতা কম অনার্‌ কারনে ইস্রায়েলে গমেডালে ন-দেগের্। সেনত্তে যোষেফে তা পুয়োগুনোরে তা বাবঅ ইধু নেযেল। সেক্কে ইস্রায়েলে তারারে আজাগুরি ধুরিনে চুমিলো।

ইয়োব 5:26

যেধোক্কেন্‌ গুরিনে অক্ত মজিম্‌ ফসল তুলো অয় সেধোক্কেন্‌ গুরিনে দীর্ঘ আয়ু পেইনে তুই গোর্‌ পেবে।

গীতসংহিতা 92:15

সিয়েন্দোই ফগদাং অবঅ, লগেপ্রভু ন্যায়বলা; তেয়ই মর্ বল্, তাইদু কনঅ অন্যেয় নেই।

যাত্রা 7:7

ফরৌণ লগে কধা কবার্‌ সময়োত্‌ মোশির্‌ বয়জ্‌ আশি বজর আর হারোণর তিরেশি।

প্রেরিত্‌ 7:23

মোশির বয়স্‌‌চান যেক্কে চল্লিশ বজর্ সেক্কে তে তার ইস্রায়েলীয় ভেইয়ুনো সমারে দেগা গুরিবাত্যে চেলঅ।

প্রেরিত্‌ 7:30

সে পরেদি চল্লিশ বজর্ বিদি গেলঅ। সিনাই মুড়োবো ইধু যে ধূল্যেচর-চাগালাগান আঘে সিধু এক্কো জ্বোল্‌‌‌‌জোল্যে ঝুবো আগুনো ভিদিরে এক্কো স্বর্গদূত্ মোশিরে দেগা দিলো।

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

দ্বি’লম্বর বিররণ 31:2

“মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।

দ্বি’লম্বর বিররণ 34:8

ইস্রায়েলীয়গুনে মোয়াবর সংজাগানত্‌ ত্রিশ দিন সং মোশিত্যে কানাকুদি গুরিলাক। সে পরেন্দি তারার কানা-কুদি আর আবিলেচ্‌-ফগদাঙর সময় শেজ্‌ অলঅ।