দ্বি’লম্বর বিররণ 34:4 - Chakma Bible

⁴ সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

দ্বি’লম্বর বিররণ 34:4 ပူးပေါင်းရင်းမြစ်များ

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 32:52

সেনত্যেই যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েন তুমি দূরোত্তুন দেগিবা মাত্তর সিয়েনত্ তুমি চোমেই ন-পারিবা।”

যিহোশূয় 21:43

লগেপ্রভু ইস্রায়েলীয়গুনোর পূরোণি মানুচ্চুনো ইদু যেদক্কানি জাগা দিবার শমক্‌ গোজ্যে সিয়েনি বেক্কানি তে তারারে দিয়্যে। ইস্রায়েলীয়গুনে সে দেজ্‌চানি গজক্ গুরি নেযেইনে সিয়েনিত্‌ বজত্তি গরা ধুরিলাক্‌।

বিচের গুরিয়্যেগুন 1:16

মোশি শোরোর্‌ গুট্টিগুনে, যিগুনে জাদে কেনীয় এলাক্‌, তারা খাজোর্‌-শঅ‌রত্তুন্‌ নিগিলিনে অরাদ চাগালার দোগিণে যিহূদা-গুট্টির কোরোল্যে-ভূইয়োর্‌ চাগালাত্‌‌ গেলাক্‌। আর সিদুগোর্‌ মানুচ্চুনো সমারে থেই গেলাক্‌।