দ্বি’লম্বর বিররণ 34:1 - Chakma Bible

¹ ইয়েনর্ পরেন্দি মোশি মোয়াবর সং জাগাত্তুন যিরীহোর উগুদোন্দি পিস্‌গা মুড়োমুড়ি ভিদিরে বেগত্তুন উজু নবো মুড়োবোত্‌ উদিলো। সিয়োত্তুন লগেপ্রভু তারে গোদা দেজ্‌ছান দেগেল। তে তারে গিলিয়দত্তুন দান সং বেক জাগায়ান,

দ্বি’লম্বর বিররণ 34:1 ပူးပေါင်းရင်းမြစ်များ

পত্থম 13:14

লোটে ফারগ্ ওই যেবার পরেদি লগেপ্রভু অব্রামরে কলঅ, “তুই যে জাগানত্‌ থিয়েই আগচ্‌ সিয়েনত্তুন্‌ উত্তোর-দোগিণ্‌ আর পূগ্‌-পোজিমে একবার রিনি চাহ্।

পত্থম 14:14

অব্রামে যেক্কে শুনিলো, তা কুদুম্মোবোরে সে রাজাগুনে ধুরি নেযেয়োন সেক্কে তে যুদ্ধোর শিক্ষ্যে পেইয়্যে তার তিনশ আদার জন চাগররে যুদ্ধোত্‌ লামেল আর দান শঅর্‌ সং শত্রুগুনোরে লোড়েই নেযেলাক্। এ চাগরুনে তা ঘরত্ জর্মেয়োন।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

গণাণা 23:14

ইয়েন্‌ কোইনে বালাকে তারে পিস্‌গা মুড়োবো উগুরে যে সোফীম নাঙে মাদ্‌তো আঘে সিয়েনত্‌ নেযেল। সিয়েনত্‌ তে সাত্তো পূজো বানেইনে এক এক্কো উগুরে এক্কো গুরি দামাড়া গোরু আর এক্কো গুরি ভেড়াছাগল উৎসর্ব গুরিলো।

গণাণা 27:12

ইয়েনর্ পরেদি লগেপ্রভু মোশিরে কলঅ, “তুই অবারীম মুড়োমুরির্‌ সংমধ্যে এই মুড়োবোত্‌ উদিনে যে দেজ্‌চান্‌ মুই ইস্রায়েলীয়গুনোরে দুয়োং সিয়েন্‌ চেই লঅ।

দ্বি’লম্বর বিররণ 3:27

তুই পিস্‌গার মাদাবোত্‌ উদিনে উত্তোর-দোগিন্‌ আর পূগ-পোঝিমেন্দি চেই লঅ। যর্দন গাঙান্‌ পার্‌ ওইনে যেক্কে তমার্‌ যানা ন-অবঅ সেক্কে নিজোর্‌ চোগে দেজ্‌ছান একবার্‌ চেই নেযঅ।

দ্বি’লম্বর বিররণ 32:49

“তুই যিরীহোর উগুদোন্দি মোয়াব দেজর অবারীম মুড়োমুড়ি ভিদিরে নবো মুড়োবোত্‌ উঠ্যই আর সোম্বোত্তি ইজেবে যে কনান দেজ্‌চান মুই ইস্রায়েলীয়গুনোরে দুয়োঙর্ সিয়েন একবার চেই নেযা।

দ্বি’লম্বর বিররণ 32:52

সেনত্যেই যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েন তুমি দূরোত্তুন দেগিবা মাত্তর সিয়েনত্ তুমি চোমেই ন-পারিবা।”

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

যিহোশূয় 19:47

দান-গুট্টি তারার্‌ ভাগঅ জাগায়ানি বেক্কানি গজগত্ ন-নেযান্‌ বিলিনে তারার্‌ পক্ষেদি জাগায়ানি চিগোন্‌ ওইয়্যে। সেনত্তেই তারা লেশম শঅরান্‌ আক্রমণ গুরিনে সে জাগার্‌ মানুচ্চুনোরে ওদেই দিলো আর বেক্কুনোরে মারে ফেলেইনে সিয়েন গজক্ গুরিলাক্‌। তারা লেশমত্ বজত্তি গরা ধুরিলাক্‌ আর তারার্‌ পূরোণি মানুচ্চুনোর নাঙানি অনুসারে সে জাগায়ানর নাঙান্‌ রাগেলাক্‌ “দান।”

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

ফগদাং পেইয়্যে 21:10

যেরেদি সেই স্বর্গদূত্‌তো মরে এক্কো দাঙর্ আর অজল্ মূড়োত্ নেযেল। সেক্কে মুই পবিত্র আত্মায় পরিচালিত এলুং। গোজেনর্ মহিমালোই জ্বোল্‌জোল্ল্যে যে পবিত্র শঅরান যিরূশালেম স্বর্গর্ ভিদিরেত্তুন্ আর গোজেনত্তুন্ লামি এজের্ তে মরে সিয়েন দেগেল।

বিচের গুরিয়্যেগুন 18:29

শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।