দ্বি’লম্বর বিররণ 33:9 - Chakma Bible

⁹ নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

দ্বি’লম্বর বিররণ 33:9 ပူးပေါင်းရင်းမြစ်များ

পত্থম 29:32

লেয়া পিদিলী অলঅ আর তার্‌ এক্কো পুয়ো অলঅ। তে পুয়োবো নাঙান্‌ রাগেল রূবেণ (যিয়েনর্ ভেদ্‌তান্ “উইয়ো চাহ্, এক্কো পুয়ো”), কিত্তে তে কোইয়্যেদে “লগেপ্রভু মঅ দুঃখান্‌ দেক্ক্যে, সেনত্তে ইক্কুনিত্তুন্‌ ধুরি মঅ নেক্কো হামাক্কায়্‌ মরে কোচ্‌পেবঅ।”

১ বংশধর 17:17

ও গোজেন, ইয়েন তঅ চোগেন্দি যদবদে ন-অয়; ইয়েন লগে তঅ চাগরুনো বংশর আগাম কধায়ো তুই কোইয়োচ্‌। ও গোজেন লগেপ্রভু, মুই যেনে এক্কো দাঙর্‌ মানুচ্‌ সে চোগেন্দি তুই মরে দেখ্যচ্‌।

ইয়োব 37:24

ইয়েনত্তে মান্‌জ্যে তারে ভোক্তি গুরিনে দরান্; যিগুনে নিজোরে জ্ঞানি মনে গরন তারান্দি তে কনঅ নজর্ ন-দে।”

গীতসংহিতা 119:57

ও লগেপ্রভু, তুই মর্ সোম্বোত্তি; মুই তঅ কধানি মানি চলিবাত্তে এগেম্ গোজ্যং।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 21:11

মরা কিয়্যে রোইয়্যে এবাবোত্যে কনঅ জাগাত্‌ তার্‌ যানা ন-চলিবো। কনঅ মরা মান্‌জ্যর্‌ কারনে, এন্‌ কি, বাপ্‌-মার্‌ মরাণার্‌ কারনেয়ো তার্‌ নিজোরে ফি-বলা গরানা ন- চলিবো বা তার্‌ গোজেনর্‌‌ পবিত্র তাম্বুলান ফেলেইনে আর কনজাগাত্‌ যানা ন-চলিবো বা তার্‌ পবিত্রতাগান্‌ বর্‌বাদ্ গরানা ন-চলিবো, কিত্যে গোজেনর্ অভিষেগ-তেল্‌লোই তারে যুদো গুরি রাগা ওইয়্যে। মুই লগেপ্রভু।

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

মথি লেখ্যে গম্ হবর্ 12:48

যীশু জোব্ দিলো, “কন্না মর্ মা, আর কন্না মর্ ভেই?”

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।