দ্বি’লম্বর বিররণ 33:8 - Chakma Bible

⁸ লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

দ্বি’লম্বর বিররণ 33:8 ပူးပေါင်းရင်းမြစ်များ

২ বংশধর 23:6

ধর্মগুরুগুনে আর সেবা-কামত্তে থেইয়্যে লেবীয়গুনে বাদেয়ো আর কনজনে লগেপ্রভুর ঘরত্‌ ন-সুমিবা। ইগুনে সোমেবাক্‌, কিত্তে ইগুনে গোজেন নাঙে ফারগ্ গোজ্যে, মাত্তর্‌ অন্য বেক্‌ মানুচ্চুনে লগেপ্রভুর উগুম্‌ মজিম বারেন্দি থেবাক্‌।

ইষ্রা 2:63

শাজন্‌গুরিয়্যেগুনে তারার্ উগুমান দিলাক্ যেদকদিন সং ঊরীম আর তুম্মীমান বেবহার্ গুরিবার অধিকারী কনঅ ধর্মগুরু পাহ্ ন যায় সেদকদিন সং তারা যেনে দাঙর্ পবিত্র হানার্ কিজু ন হান।

ইষ্রা 8:28

মুই তারারে কলুং, “তমার আর এই বেক্ পিলেগুন লগেপ্রভুর নাঙে যুদো গরা ওইয়্যে। ইগুনবাদে এই সনা আর রূবোগানি তমার পূরোণি মানুচ্চুনোর গোজেন লগেপ্রভুর নাঙে নিজোর্ আওজে দান গোজ্যে।

নহিমিয় 7:65

শাজন্‌গুরিয়্যেবো তারারে উগুম্‌ দিলো যেদকদিন সং ঊরীম আর তুম্মীম বেবহার গুরিবার অধিকারী কনঅ ধর্মগুরু পাহ্ ন-যায় সেদকদিন সং তারা যেনে সুদ্ধো-সাংগ হানার্‌ কিচ্ছু ন-পান্‌।

গীতসংহিতা 106:16

তাম্বুলোত্ দিন কাদেবার সময়োত্ মোশিরে দেগিনে, আর লগেপ্রভুর নাঙে ফারগ্ গোজ্যে সেই হারোণরে দেগিনে তারার ইংসে অলঅ।

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 17:7

মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

যাত্রা 28:30

বুগ্‌-ঢাগনিগানর্ ভাজঅ ভিদিরে থবে উরীম আর তুম্মীম। সেক্কে হারোণে যেক্কে লগেপ্রভুর্‌ মুজুঙোত্‌ আঝিল্ অবঅ‌ সেক্কে সিয়েনি তার্‌ বুগোত্‌ থেবঅ। সেক্কে হারোণে লগেপ্রভুর মুজুঙোত্‌ আমিঝে ইস্রায়েলীয়গুনোত্তেই মর্‌ উগুমানি জানিবার্‌ উপায় ইজেবে তার্‌ বুগোত্‌ রাগেব।

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

লেবীয় 21:7

বেশ্যে, মাগি বা নেগে ইরি দিয়্যে কনঅ মিলেমান্‌জ্যরে তারাত্তুন মোগ্‌ লনা ন-চলিবো। যিবে তারার্‌ গোজেন তার্‌ নাঙে তারা যুদো গুরি রাগেয়্যে।

লেবীয় 8:8

তা উগুরে তে বুগ-ঢাগনিগান্‌ উরেই দিইনে তা ভিদিরে ঊরীম আর তুম্মীম রাগেল।

মালাখি 2:6

তারা মুজুঙোত্ সত্যর্ শিক্ষ্যে এলঅ আর সিয়েনত্ কনঅ মিজে ন-থেদঅ। সুগে শান্দিয়্যে আর গমেডালে তারা মঅ সমারে আদাউদো গুরিদাক্ আর ভালোক্ জনরে পাপত্তুন্ ফিরেদাক্।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

গণাণা 20:13

সেই পানিগানরে কুয়া অলঅ মরীবা (যিয়েনর্‌ ভেদ্‌তান “কোল্‌বাজানা”)। ইয়েনত্‌ ইস্রায়েলীয়গুনে লগেপ্রভুর লগে কোল্‌ বাজেয়োন্‌ আর লগেপ্রভু ইয়োদোই তারা ভিদিরে নিজোর পবিত্রতাগান্‌ ফগদাং গোজ্যে।

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

গণাণা 35:8

ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

দ্বি’লম্বর বিররণ 6:16

তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

দ্বি’লম্বর বিররণ 9:22

তবিয়েরাতত, মঃসাতত আর কিব্রোৎ-হত্তাবাততঅ তুমি লগেপ্রভুর রাক্কান্‌ জাগেই তুল্য।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।