দ্বি’লম্বর বিররণ 33:7 - Chakma Bible

⁷ যিহূদা পৌইদ্যেনে তে কোইয়্যেদে, “ও লগেপ্রভু, তুই যিহূদার কধানি শুন; তা মানুচ্চুনো ভিদিরে তারে ফিরেই আন। তার নিজোর দ্বি-আঢ্‌তানি তে যুদ্ধোত্‌ লাগায়; শত্রুর বিরুদ্ধে তুই তার সহায় অ।”

দ্বি’লম্বর বিররণ 33:7 ပူးပေါင်းရင်းမြစ်များ

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

২ শমূয়েল 5:1

ইস্রায়েলর বেক্‌ গুট্টিগুনে হিব্রোণত্‌ দায়ূদো ইদু এইনে কলাক্, “তর্‌ আর আমা কিয়্যেত্ একই লো অাঘে ।

২ শমূয়েল 5:19

দায়ূদে সেক্কে লগেপ্রভুরে পুযোর্‌ গুরিলো, “মুই কি পলেষ্টীয়গুনোরে আক্রমণ গুরিম? তুই কি তারারে মঅ আঢত্‌ তুলি দিবে?” লগেপ্রভু কলঅ, “অয়, যাহ্। মুই হামাক্কায় তঅ্‌ আঢত্‌ পলেষ্টীয়গুনোরে তুলি দিম্।”

২ শমূয়েল 5:24

বেঙা গাজ্‌চুনোর্‌ মাঢাত্‌ যেক্কে তুই সৈন্যদলুনোর্‌ আঢি যানা রঅ শুনিবে সেক্কে নিগিলিবে। ইয়েনর্ ভেদ্‌তান্ অলদে, পলেষ্টীয় সৈন্যগুনোরে আঘাত্‌ গুরিবাত্তে লগেপ্রভু তঅ আগে আগে যেইয়্যে।”

১ বংশধর 12:22

এধোক্ক্যেন গুরিনে দিনকে দিন্‌ মানুচ্চুনে দায়ূদরে বল্‌ দিবাত্তে এজা ধুরিলাক্‌। যেরেন্দি গোজেন সৈন্যদল ধোক্ক্যেন তার্‌ এক্কো দাঙর্‌ সৈন্যদল্‌ উদিলো।

গীতসংহিতা 146:5

বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

গীতসংহিতা 20:2

তার্ পবিত্র জাগানত্তুন্ তে তরে এজাল্ দোক্ আর সিয়োন মুড়োবোত্তুন্ তরে বল্ দোক্।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 21:8

তঅ আঢ্‌তানে তর্ বেক্ শত্রুগুনোরে ধুরিবো; যিগুনে তরে ঘিনান্ তর্ ডেন্ আঢ্‌তানে তারারে ধুরিবো।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

গীতসংহিতা 78:70

তে তার চাগর দায়ূদরে বেঈ নেযেল, নেযেল তারে ভেড়া গোরত্তুন্;

গীতসংহিতা 89:24

মর্ বিশ্বেজছান আহ্ অমকদ কোচ্‌পানাগান তা সমারে থেবঅ; মঅ নাঙে তার বলর্ শিঙুন অজলত্ উদিবাক।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

গণাণা 34:19

সেই নেতাগুন অলাক যিহূদা-গুট্টির যিফূন্নির পূঅ কালেব;

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।

যিহোশূয় 15:20

যিহূদা-গুট্টির নানান্‌ বংশগুনোরে যে সোম্বোত্তিগানি দিয়্যে অলঅ সিয়েনি অলঅ।