দ্বি’লম্বর বিররণ 32:8 - Chakma Bible

⁸ দাঙর্‌ গোজেনে যেক্কে নানান্‌ জাদরে সোম্বোত্তি ভাগ গুরি দিলো, আর মানুচ্চুনোরে নানান্‌ জাদত্‌ ভাগ গুরিলো, সেক্কে ইস্রায়েল জাদর মান্‌জ্যর্‌ সোংখ্যে মনত্‌ রাগেইনে তে অন্য জাদ্‌তুনোর্ দুযি ঠিগ্ গুরি দিলো।

দ্বি’লম্বর বিররণ 32:8 ပူးပေါင်းရင်းမြစ်များ

পত্থম 10:15

কনান দাঙর পুয়োবো নাঙান এলঅ সীদোন। সে পরেদি হেতর জর্ম ওইয়্যে।

পত্থম 10:25

এবরর দ্বিবে পুয়ো ওইয়োন্। তারার একজন নাঙ্‌ এলঅ পেলগ। তা সময়োত্‌ পিত্‌থিমীগান ভাগ ওইয়্যে বিলিনে তারে এ নাঙান দিয়্যে ওইয়্যে। পেলগ ভেইবো নাঙান এলদে যক্তন।

পত্থম 10:5

ইগুনো বংশর মানুচ্চুনে যেরেদি নানান্‌ ভাষা, পরিবার আর জাদ ইজেবে সাগর পার নানান্‌ দেজত্‌ ছিদি পড়িলাক্।

১ বংশধর 16:18

তে কোইয়্যেদে, “মুই তরে কনান্‌ দেজ্‌ছান্‌ দিম্‌, সিয়েনই অবঅ তর্‌ পাওনা সোম্বোত্তি।”

ইয়োব 15:19

বানা তারা আধত্‌ দেজ্‌ছান দিয়্যে ওইয়্যে, কনঅ বিদেশি তারার্‌ জ্ঞানানিত্‌ কাঙেলেত্যে ন-গরন্‌।

গীতসংহিতা 115:16

স্বর্গগান অলঅ লগেপ্রভুর স্বর্গ, মাত্তর্ পিত্‌থিমীগান তে মান্‌জ্যরে দিয়্যে।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 74:17

পিত্‌থিমীর বেক দুযিগানি তুয়ই ঠিগ্ গুরি দুয়োচ্; তুয়ই যার্‌কাল আর্ হরান্ন্যেবোরে বানেয়োচ্।

গীতসংহিতা 82:6

মুই কোইয়োঙে, “তুমি যেন গোজেন, তুমি বেক্কুনে দাঙর্ গোজেনর পুয়ো।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গীতসংহিতা 92:8

মাত্তর্ ও লগেপ্রভু, তুই উমর সং বেক্কুনো উগুরে থেবে।

যিশাইয় 14:14

মুই মেঘ উগুরে উদিম্; মুই দাঙর্ গোজেন সং সং ওম্।

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

মীখা 2:5

সেনত্তে তমা ভিদিরেত্তুন্ কনজনে লগেপ্রভুর মানুচ্চুনো সমারে ভূইয়ো ভাগ ন-পেবাক্।

গণাণা 23:9

মুড়ো উগুরেত্তুন্‌ মুই তারারে দেখ্যং; তারারে মুই মুড়ো উগুরেত্তুন্‌ দেখ্যং। মুই এন্‌ এক্কো জাদরে দেখ্যং যে অন্যগুনোত্তুন্‌ দূরোত্‌ থায়; অন্য বেক্‌ জাদ্‌তুনো সমারে নিজোরে এক গুরি ন-দেগে।

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

প্রেরিত্‌ 7:48

মাত্তর্ দাঙর্ গোজেনে মান্‌জ্যর্ বানেয়্যে ঘরত্ ন-থায়। ভাববাদীবো কোইয়্যেদে যে,

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।