দ্বি’লম্বর বিররণ 32:50 - Chakma Bible

⁵⁰ তর্‌ ভেই হারোণে যেধোক্ক্যেন হোর মুড়োবোত মুরি যেইনে তার পুরোণি মানুচ্চুনো ইদু যেইয়্যেগোই সেধোক্ক্যেন গুরি তুমিয়ো নবো মুড়োবোত্‌ উদিনে মুরি যেবা আর তমার পুরোণি মানুচ্চুনোর ইদু যেবাগোই।

দ্বি’লম্বর বিররণ 32:50 ပူးပေါင်းရင်းမြစ်များ

পত্থম 15:15

মাত্তর্‌ তা আগেদি তুই বুড়ো বয়জত্‌ গমেডালে মুরি যেইনে গোর্ পেবাক্ আর তর পুরোণি মানুচ্চুনো ইধু লুমিবেগোই।

পত্থম 25:17

ইশ্মায়েলে একশঅ সাত্রিশ বজর বাঁজি এলঅ। সে পরেদি তে মুরি যেইনে তা পুরোণি মানুচ্চুনোর ইদু গেলগোই।

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

পত্থম 49:33

যাকোবে তা পুয়োগুনোরে উগুম্‌ দেনার পরেদি বিচ্ছোনান উগুরে তা টেঙানি তুলিনে ঘুমোত্‌ পুড়িলো। সে পরেদি শেজ্ নিযেস্‌ ফেলেইনে তা পুরোণি মানুচ্চুনো ইধু গেলগোই।

দানিয়েল 12:13

“মাত্তর্ তুই ইক্কিনে যেবাবোত্যে আগচ্ মরণ সং সেবাবোত্যে থাগ্। সে পরেদি তুই জিরেন্ পেবে আর শেজ্‌কালত্ তুই তঅ বক্‌‌‌‌‌‌‌‌শিজচান পেবাত্তে বাঁজি উদিবে।”

গণাণা 33:38

ইস্রায়েলীয়গুনে মিসরত্তুন্‌ নিগিলি এজানার্‌ পরেদি চোল্লিশ বজরর্‌ পাঁচ মাজর্‌ পত্তম দিনোত্‌ লগেপ্রভুর উগুমে ধর্মগুরু হারোণে হোর মুড়োবো উগুরে উদি যেয়েগোই আর সিয়েনত্‌ মুরি গেলঅ।

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।