দ্বি’লম্বর বিররণ 32:47 - Chakma Bible

⁴⁷ তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

দ্বি’লম্বর বিররণ 32:47 ပူးပေါင်းရင်းမြစ်များ

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

গম্ উপদেজ্ 3:22

তত্তে সিয়েন অবঅ জিংকানি, তঅ গত্তনাবোত্তে সিয়েন অবঅ দোল্ নেগেলেচ্ ধোক্ক্যেন্।

গম্ উপদেজ্ 4:13

উপদেজ্‌ছানি মনত্ রাগেচ্, ভুলি ন-যেচ্; সিয়েন রোক্ষ্যে গর্, কিত্তে সিয়েনই তর্ জিংকানি।

গম্ উপদেজ্ 4:22

যিগুনে এবাবোত্যে গরন্ তারাত্তে সিয়েনি অয় জিংকানি, সিয়েনিয়ে তারারে পক্তামক্তা গরে।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

লেবীয় 18:5

মর্‌ সুদোম আর রীদি-সুদোমানি তমাত্তুন্‌ পালন গরা পুরিবো, কিত্তে যে সিয়েনি পালন গুরিবো তে তার্‌ মাধ্যমে জীংকানি পেবঅ। মুই লগেপ্রভু।

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

প্রেরিত্‌ 7:38

এই মোশি ধূল্যেচর-চাগালাত্ ইস্রায়েলীগুনোর সেই দল ভিদিরে আমা পূরোণি মানুচ্চুনো সমারে এলঅ। যে স্বর্গদূত্‌তো সিনাই মুড়োবোত্ কধা কোইয়্যে এই মোশি সেই স্বর্গদূত্‌তো সমারে সিধু এলঅ। আমারে দিবাত্যে সত্য কধানি এ মোশি সিধু পেইয়্যে।

দ্বি’লম্বর বিররণ 30:16

এচ্চ্যে তমা ইদু মর্‌ উগুম ইয়েন, তুমি তমার গোজেন লগেপ্রভুরে কোচ্‌পেবা, তার পদেন্দি চলিবা আর তার উগুমানি, সুদোমানি আর হুকুমানি মানি চলিবা। সালে তুমি বাঁজিবা আর সোংখ্যেন্দি বাড়িই উদিবা, আর যে দেজ্‌ছান তুমি গজক্ গুরিবাত্তে যর্‌ সিয়েনত্ তমার গোজেন লগেপ্রভু তমারে আশিদ্‌বাদ গুরিবো।

দ্বি’লম্বর বিররণ 31:13

এধোক্ক্যেনগুরি তারার ঝি-পূঅগুনে, যিগুনে এই রীদি-সুদোমর্ কধানি ন-জানন্‌, তারায়ো সিয়েনি শুনিবাক আর এ শিক্ষ্যেগান পেবাক, যর্দন গাঙান্ পার ওইনে যে দেজ্‌ছান তুমি গজক্ গুরিবাত্তে যর্‌ সিয়েনত্‌ গোদা জীংকানিবর্‌ তমার গোজেন লগেপ্রভুরে তারাত্তুন ভোক্তি গরা পুরিবো।”

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।