দ্বি’লম্বর বিররণ 32:39 - Chakma Bible

³⁹ এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

দ্বি’লম্বর বিররণ 32:39 ပူးပေါင်းရင်းမြစ်များ

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

ইয়োব 10:13

মাত্তর্‌ ইয়েনই তঅ মনত্‌ তুই লুগেই রাগেয়োচ্‌, আর মুই হবর্‌ পাং ইয়েন তঅ মনত্‌ রোইয়্যে,

ইয়োব 10:7

তুই দঅ হবর্‌ পাজ্‌ মুই দুযি নয় আর তঅ আঢত্তুন্‌ উদ্ধোর্‌ গুরিয়্যে কনজন নেই।

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

গীতসংহিতা 102:27

মাত্তর্ তুই আগঅ ধোক্ক্যেন থেবে; তর্ জিংকানিগান কনদিন্‌অ থুম্ ন-অবঅ।

গীতসংহিতা 102:28

তঅ চাগরুনোর পুয়ো-ছাগুনে বাঁজি থেবাক্; তারার বংশধরুনে তঅ মুজুঙোত্ থির্ গুরি থেবাক্।”

গীতসংহিতা 18:31

লগেপ্রভু বাদে গোজেন আর্ কন্না আঘে? আমা গোজেনে বাদে আর কি কনঅ আশ্রয়-মুড়ো আঘে?

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গীতসংহিতা 51:8

মরে হুজির্ রঅ আর রঙ্গ-ফুত্তির রঅ শুনিবাত্তে দে; তর্ গুড়ি গোজ্যে মর্ এই আড়ুনে ফুত্তি গোরোদোক্।

গীতসংহিতা 68:20

আমা গোজেনে এবাবোত্যে গোজেন যিবে উদ্ধোর্ গরে; প্রভু লগেপ্রভু মরণত্তুন্ রোক্ক্যে গরে।

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যাত্রা 4:7

সেক্কে লগেপ্রভু কলঅ, “তঅ আত্‌থান আরঅ সিয়েনত্‌ রাগা।” তে সিয়েন গুরিলো। যেক্কে তে আত্‌থান নিগিলেই আনিলো সেক্কে দেগা গেলঅ তা আত্‌থান কিয়্যের্‌ অন্য চামানি ধোক্ক্যেন গম্‌ ওই যেইয়্যে।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 41:4

কন্না এ কামান্ গোজ্যে? কারে দিইনে এ কামান ওইয়্যে? বংশর্ পর বংশ ইদু কি ঘুদিবো সিয়েন কন্না পত্তম হইতে ঠিগ্ গুরি রাগেয়্যে? মুই লগেপ্রভু পৌইল্যেত্তুন্ ধুরি আগং আর শেজ্ সময়োর্ মানুচ্চুনোর সমারেয়ো থেম্।”

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 43:12

মুয়ই ফগদাং গোজ্যং, উদ্ধোর্ গোজ্যং আর জানেই দুয়োং; সেক্কে তমা ইধু কনঅ দেবেদা ন-এলঅ। এ পৌইদ্যেনে তুমি মর্ সাক্ষি। মুই লগেপ্রভু এ কধাগান কোইয়োং, মুয়ই গোজেন।

যিশাইয় 43:13

অয়, পৌইল্যেত্তুন্ ধুরি মুয়ই সিবে। কনজনে মঅ আঢত্তুন্ রোক্ষ্যে গুরি ন-পারে। মুই কাম্ গুরিলে কনজনে সিয়েন বাদ্ দি ন-পারে।”

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিশাইয় 48:12

ও যাকোব, ও মর্ বেঈ লোইয়্যে ইস্রায়েল, তুমি মঅ কধাগান শুনো। মুয়ই সিবে; মুয়ই পত্তম্ আর মুয়ই থুম্।

যিহিষ্কেল 37:12

সেনত্তে তুই তারা ইধু এই আগাম্ কধানি কঅ, প্রভু লগেপ্রভু কোইয়্যেদে, ‘ও মঅ মানুচ্চুন, মুই তমারে গোর্ খুলিনে সিয়োত্তুন্ তমারে তুলি আনিম। ইস্রায়েল দেজত্ মুই তমারে ফিরেই আনিম।

যিহিষ্কেল 37:3

তে মরে পুযোর্ গুরিলো, “ও মান্‌জ্যর পুয়োগুন, এ আড়ুন্ কি জেদা ওই উদি পারন্?‌‌‌” মুই কলুং, “ও প্রভু লগেপ্রভু, তুয়ই বানা সিয়েন হবর্ পাজ্।”

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

মীখা 5:8

ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

দ্বি’লম্বর বিররণ 32:12

লগেপ্রভু গায় গায় তারে চালেইনে লোই এলঅ, তার সমারে ন-এলাক্‌ কনঅ দেব-দেবেদা।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 7:9

সেনত্যেই তুমি মনত্‌ রাগেয়ো, তমার গোজেন লগেপ্রভুই গোজেন। তারে বিশ্বেজ্ গরেদে গোজেন; যে তারে কোচ্‌পায় আর তার্‌ উগুমানি পালন্‌ গরে তারাত্তে তে যে সুদোমানি থিদেবর্ গোজ্যে সিয়েনি তে আজার্‌ আজার বংশ সং রোক্ষ্যে গরে আর তারা উগুরে তার্‌ অমকদ কোচ্‌পানা দেগায়।

ইব্রীয় 1:12

সিয়েনিরে তুই কাবড় ধোক্ক্যেন গুচ্চ্যেই থবে, আর কাবড় ধোক্ক্যেন সিয়েনিরে বদলা অবঅ। মাত্তর্ তুই আগ ধোক্ক্যেন্ থেবে, আর তর্ জিংকানিগান কনদিনঅ থুম্ ন-অবঅ।”

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে