দ্বি’লম্বর বিররণ 32:38 - Chakma Bible

³⁸ কুদু সেই দেব-দেবেদাগুন যিগুনে তারার ডালি দিয়্যে য়েমানর তেলানি হেইয়োন, হেইয়োন তারার ঢালন-উৎসর্বর আংগুর-রস? ইক্কিনে তারা এইনে তমারে সাহায্য গুরিবাক, আর তমারে আশ্রয় দিবাক্‌।

দ্বি’লম্বর বিররণ 32:38 ပူးပေါင်းရင်းမြစ်များ

গীতসংহিতা 50:13

তুই কি মনে গরচ্ বলদ্ গোরু য়েরানি মর্ হানা? ছাগল লো কি মুই খাং?

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

যিরমিয় 11:12

যেক্কে দজা এবঅ সেক্কে যিহূদার শঅরানিত্ আর যিরূশালেমর মানুচ্চুনে যেইনে সেই দেব-দেবেদাগুনো ইধু কানাকুদি গুরিবাক্ যিগুনো মুজুঙোত্ তারা আগর্‌বাট্টি জ্বালেয়োন, মাত্তর্ সিগুনে তারারে ন-বাজেবাক্।

যিরমিয় 37:19

যিগুনে তমা ইধু এ আগাম্ কধাগান গোজ্যেন্, বাবিল রাজা তরে বা এ দেজ্‌চানরে আক্রমণ ন-গুরিবো, তমা সেই ভাববাদীগুন কুদু?

দানিয়েল 1:8

মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

লেবীয় 21:21

কিয়্যেত্‌ দাগ্‌ পোজ্যে লোইনে ধর্মগুরু হারোণর্‌ কনঅ বংশধর্‌ পুজোবো ইদু যেইনে লগেপ্রভুর নাঙে আগুন্দোই-গোজ্যে কনঅ উৎসর্বর্ অনুষ্ঠান গুরি ন-পারিবাক্। দাগ্‌ আঘে বিলিনে তে পূজোবো ইদু যেইনে তার্‌ গোজেন নাঙে কনঅ হানা উৎসর্ব গুরি ন-পারিবো।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

বিচের গুরিয়্যেগুন 10:14

যে দেব-দেবেদাগুনোরে তুমি বেই লোইয়ো তারার ইদু যেইনে কা ন গোই। দযার্ সময়োত্‌ তারা তমারে উদ্ধোর গুরিবাক্।”