দ্বি’লম্বর বিররণ 32:34 - Chakma Bible

³⁴ মইদু সিয়েনি দঅ তুল্যে আঘে, মর্‌ জমেয়্যে ঘরত্‌ সীলমহর্ গরা আঘে।

দ্বি’লম্বর বিররণ 32:34 ပူးပေါင်းရင်းမြစ်များ

ইয়োব 14:17

সেক্কেনে তুই এক্কো থৈল্যে ভিদিরে মঅ দুজ্‌ছানি সীলমর্‌ গুরি রাগেবে আর মর্‌ পাপ বেক্কানি ঢাগি দিবে।

যিরমিয় 2:22

যুনিয়ো তুই সোডালোই নিজোরে ধস্ আর অমকদ সাগোন্ বেবহার গরচ্ তো তর্ অন্যেয়র দাগ্ মঅ মুজুঙোত্ রোইয়্যে। মুই প্রভু লগেপ্রভু এ কধাগান কঙর্।

যিরমিয় 32:10

মুই দলিলোত্ সই দিলুং, সীলমহ্‌র মারিলুং আর সাক্ষী রাগেলুং আর পাল্লালোই সেই রূবোগান মাবি দিলুং।‌

যিরমিয় 44:21

“যিহূদার আদাম আর শঅরানিত্ আর যিরূশালেমর পধে পধে তুমি আর তমা পুরোণি মানুচ্চুনে, তমা রাজাগুনে আর রাজার চাগরুনে আর দেজর্ অন্য মানুচ্চুনে যে আগর্‌বাট্টি জ্বালেদাক্ সিয়েনি কি লগেপ্রভুর মনত্ ন-পড়ে আর সে পৌইদ্যেনে কি তে চিদে ন-গরে?

হোশেয় 13:12

ইফ্রয়িমর দুষ, অত্তাৎ তার্ বেক্ পাপ্‌‌‌‌‌‌পানি লিগিনে বানি রাগা ওইয়্যে।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

দ্বি’লম্বর বিররণ 32:33

তারার আংগুর-রসসানি অলঅ সাপ বিষ, কালা যামুরো সাপর দর্‌গরেপারা বিষ।