দ্বি’লম্বর বিররণ 32:32 - Chakma Bible

³² লগেপ্রভু কলঅ, “তারার আংগুর গাছ সদোমর আংগুর গাজত্তুন্ আর ঘমোরার ক্ষেদত্তুন এস্যে। তারার আংগুরুনোত্‌ আগন্দে বিষ, তারার আংগুর থুপ্পুন্ তিদে।

দ্বি’লম্বর বিররণ 32:32 ပူးပေါင်းရင်းမြစ်များ

ইয়োব 14:17

সেক্কেনে তুই এক্কো থৈল্যে ভিদিরে মঅ দুজ্‌ছানি সীলমর্‌ গুরি রাগেবে আর মর্‌ পাপ বেক্কানি ঢাগি দিবে।

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিরমিয় 2:21

মুই দঅ তরে নখ্‌বাজ্ গোজ্যে বিজিত্তুন জোর্মেয়্যে গম্ আংগুরোর্ চারা ইজেবে লাগেয়োং; সালে কেধোক্ক্যেন গুরি তুই এক্কো ভান্ন্যেই ঝার আংগুর গাজ্ ওইয়োচ্?

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

আবিলেচ্ 4:6

যে সদোমানরে মুহূত্তো ভিদিরে উল্ল্যে ফেলা ওইয়্যে, যিবে বিরুদ্ধে কনঅ মান্‌জ্যর্ আঢ্ ন-উদে, সেই সদোমর্ পাপত্তুন্‌অ বেশ্ মঅ মানুচ্চুনোর অন্যেয়ান বেশ্।

মথি লেখ্যে গম্ হবর্ 11:24

মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

দ্বি’লম্বর বিররণ 32:33

তারার আংগুর-রসসানি অলঅ সাপ বিষ, কালা যামুরো সাপর দর্‌গরেপারা বিষ।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।