দ্বি’লম্বর বিররণ 32:3 - Chakma Bible

³ মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।

দ্বি’লম্বর বিররণ 32:3 ပူးပေါင်းရင်းမြစ်များ

১ বংশধর 17:19

ও লগেপ্রভু, তঅ চাগর্‌বোত্তে তর্‌ আওজ্ মজিম এ মহৎ কামান্‌ তুই গোজ্যস্‌ আর তঅ চাগর্‌বোরে সিয়েন্‌ জানেয়োচ্‌।

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

১ বংশধর 29:13

ইক্কিনে, ও আমার গোজেন্‌, আমি তরে ভালেদি জানেই, তরে বাঈনী গুরিনে নাঙ্ গিনিই।

গীতসংহিতা 150:2

তার খেমতাবলা কামানিত্তে তারে নাঙ্ গিনো, তার থুম্ ন-ওইয়্যে গম্ কামানিত্তে তারে নাঙ্ গিনো।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিরমিয় 10:6

ও লগেপ্রভু, তঅ ধোক্ক্যেন আর কনজন নেই; তুই মহান, তুই খেমতালোই বোলী।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

দ্বি’লম্বর বিররণ 3:24

ও প্রভু লগেপ্রভু, তুই যে কত্তমান্‌ দাঙর্‌ আর বোলী সিয়েন্‌ তর্‌ চাগর্‌বোরে দেগেবাত্তে আরাম্ভ গোজ্যস্‌। স্বর্গত্‌ বা পিত্‌থিমীত কনঅ দেবেদা আগন্‌ নাহি, তুই যেদক্কানি কাম্‌ গোজ্যস্‌ সিয়েনি গুরি পারন্‌ আর তুই যে বল্‌ দেগেয়োচ্‌ সিয়েনি দেগেই পারন?

দ্বি’লম্বর বিররণ 5:24

তুমি সেক্কে কোইয়ো, আমা গোজেন লগেপ্রভু যে কত্তমান বাঈনী গরেপারা আর দাঙর্‌ সিয়েন্‌ তে আমারে দেগেয়্যে আর আগুনো ভিদিরেত্তুন্‌ আমি তার্‌ রঅবো শুন্যেই। এচ্ছ্যে আমি বুঝি পারিলোং, গোজেনে কারঅ ইদু কধা কনার্‌ পরেন্দিয়ো সিবে বাঁজি থেই পারে।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!