দ্বি’লম্বর বিররণ 32:26 - Chakma Bible

²⁶ মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

দ্বি’লম্বর বিররণ 32:26 ပူးပေါင်းရင်းမြစ်များ

গীতসংহিতা 34:16

যিগুনে ভান্ন্যেই কাম্ গরন লগেপ্রভু তারা বিরুদ্ধে থিয়্যেই, যেনে পিত্‌থিমী বুগোত্তুন্ তারার নাঙানি উদি যায়।

গীতসংহিতা 34:17

যিগুনে ন্যায় কাম গরন্ লগেপ্রভু তারার্ কানানিগানি শুনে; বেগ্ দুগোত্তুন্ তে তারারে উদ্ধোর্ গরে।

যাত্রা 32:12

কিত্তেই মিসরীয়গুনে এই কধাগান্‌ কবার্‌ সুযোগ্‌ পেবাক্‌, মুড়োমুড়ি চাগালা ভিদিরে আনিনে তারারে মারে ফেলেইনে পিত্‌থিমীর্‌ বুগোত্তুন্‌ তুলি দিবার্‌ ভান্ন্যেই আওজে তুই তারারে নিগিলেই আন্যচ্‌? তর্‌ এই জদবদে রাক্কান্‌ তুই থামা। দোয়্যে গর্‌, তঅ মানুচ্চুনো উগুরে তুই এই বিপদ্‌থান্‌ ন-আনিচ্‌।

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

লেবীয় 26:38

ভালোক্‌ জাদর্‌ ভিদিরে ছেট্টেরা ওই পড়িনে তুমি মুরি যেবা, শত্রুগুনোর্‌ দেজ্‌চানে তমারে গিলি হেবঅ।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

দ্বি’লম্বর বিররণ 9:14

না, তুই মরে মানা ন-গুরিচ্‌; মুই তারারে ভস্ত গুরি ফেলেম্‌ আর পিত্‌থিমীত্তুন্‌ তারার্‌ নাঙানি তুলি ফেলেম্‌। সে পরেন্দি তর্‌ মাধ্যমে মুই আরঅ বোলী আর দাঙর্‌ এক্কো জাদর্‌ সৃট্টি গুরিম্‌।