দ্বি’লম্বর বিররণ 32:25 - Chakma Bible

²⁵ শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

দ্বি’লম্বর বিররণ 32:25 ပူးပေါင်းရင်းမြစ်များ

২ রাজাবলী 7:5

ইয়েন্‌ কোইনে সাজ্যেন্যের্‌ আগেন্দি তারা অরামীয়গুনোর তাম্বুলোত্‌ গেলাক্‌। তাম্বুলোর্‌ ঢাগেন্দি যেইনে চেলাক্‌ সিয়েনত্‌ এক্কো মানুচ্‌অ নেই।

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিরমিয় 44:7

ইক্কিনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, কিত্তে তুমি নিজোর্ এত্তমান সর্বনাশ গরর্? তুমি দঅ মরদ, মিলে, ঝি-পুয়ো আর চিগোন চিজিগুনোরে যিহূদাত্তুন্ নিগিলেই আনিনে নিজোরে আর তারার বেক্কুনোরে ভস্ত গুরি দুয়োর্।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 9:21

মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

আবিলেচ্ 4:4

দুধো তিরেজে চিগোন্ চিজিগুনোর্ জিলানি তাল্লোত্ বাজি যার্; ঝি-পুয়োগুনে রুটি চাদন্, মাত্তর্ কনজনে সিয়েনি ন-দেদন্।

যিহিষ্কেল 7:15

শঅর বারেদি রোইয়্যেদে যুদ্ধো আর ভিদিরে রোইয়্যেদে ভানা আর ভাদরাত্; যিগুনে বারেদি থেবাক্ তারা যুদ্ধোত্ মুরি যেবাক্, আর যিগুনে শঅরত্ থেবাক্ ভাদরাদে আর ভানাই তারারে গজক্ গুরিবো।

হোশেয় 11:6

তারার্ শঅরত্ অমকদ যুদ্ধো অবঅ; সেক্কে তারার্ গেইট্টুনোর্ হুগ্‌‌কুন ভাঙি যেবাক্ আর তারার্ পরিকল্পনার কারনে তারা শেজ্ ওই যেবাক্।

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

হোশেয় 9:16

ইফ্রয়িমে ক্ষয় ওই যার্, তা শিঙোরান্ শুগেই যেইয়্যে, সিয়েনত্ ফল ন-ধরন্। যুনি বা তা মানুচ্চুনে পুয়ো-ছার্ জন্ম দুয়োন তো মুই তারার্ কোচ্‌পেইয়্যে পুয়ো-ছাগুনোরে মারে ফেলেম।”

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

মীখা 6:14

তুমি হেলে ঈল্ ন-অবঅ; তমা পেদত্ পেট্ পরা থেবঅ। তুমি পযাপিরানি এক জাগাত্তুন্ অন্য জাগাত্ নেযেবা মাত্তর্ কিচ্ছু রোক্ষ্যে গুরি ন-পারিবা, কিত্যেই তুমি যুনি বা কিজু রোক্ষ্যে গরঅ সালে সিয়েনি মুই যুদ্ধো আনিনে ভস্ত গুরিম।

২ করিন্হীয় 7:5

ম্যাসিডোনিয়াত্ লুমিনেয়ো আমা কিয়্যেগানি জিরেন্ ন-পায়; বেক্কানিত্তুন্ আমি দুঘ্ পেইয়্যেই-চেরোকিত্যেদি এলঅ গন্ডগুল আর মনত্ দর্‌বুগ্ এলঅ।