দ্বি’লম্বর বিররণ 32:19 - Chakma Bible

¹⁹ সিয়েন দেগিনে লগেপ্রভু তার পূঅ-ঝিগুনোর্ ইন্দিত্তুন মুয়োন-ফিরেই নিলো, কিত্যে তারা তার রাগ্‌কান জাগেই তুল্যন্।

দ্বি’লম্বর বিররণ 32:19 ပူးပေါင်းရင်းမြစ်များ

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 106:40

সেনত্তে লগেপ্রভুর রাগ্‌কান তা মানুচ্চুনো উগুরে জুলি উদিলো; যিগুনে তার সোম্বোত্তি তারা উগুরে তার ঘিন্ লাগিলো।

গীতসংহিতা 5:4

ও গোজেন, তুই অন্যেয়ত্তে হুজি অইদে গোজেন নয়; বজং মানুচ্চুনে তঅ মুজুঙোত্ থেই ন-পারন্।

গীতসংহিতা 78:59

ইয়েনি দেগিনে গোজেনে অমকদ বেজার্ অলঅ; তে ইস্রায়েলরে পুরোপুরি গুরিনে এলাফেলা গুরিলো।

গীতসংহিতা 89:38

মাত্তর্ তুয়ই ফেলেই যেয়োচ্, টেঙোই ঠেল্যচ্; তর্ অভিষেগ্ গোজ্যে মানুচ্চো উগুরে তুই অমকদ বেজার্ ওইয়োচ্।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিরমিয় 11:15

“মঅ ঘরত্ মর্ কোচ্‌‍‍‌পেইয়্যে মানুচ্চুনোর কি অধিকার আঘে? তারা দঅ বোউত্ ভান্ন্যেই কাম্ গোজ্যন, এন্ কি, তারা মঅ নাঙে উৎসর্ব গোজ্যে য়েরানি তারাত্তুন সোরেই ফেলান। ও অন্যেয়গুরিয়্যেগুন, যেক্কে দজা তমা উগুরে এবঅ সেক্কেয়ো কি তুমি ফুত্তি গুরিবা?”

যিরমিয় 40:2

যিরমিয়রে ইরি দিবার সময়োত্ নবূষরদনে তারে কোইয়্যেদে,“তর্ গোজেন লগেপ্রভু যিহূদা বিরুদ্ধে এ ভস্ত অবার কধা কোইয়্যেদে।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

লেবীয় 26:30

মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

ফগদাং পেইয়্যে 3:16

মাত্তর্ তুই নয় জুরো নয় গরম, সেনত্যে মুই তরে মঅ মুয়োনত্তুন্ চেফ ধোক্ক্যেন গুরি ফেলেই দিম।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।