দ্বি’লম্বর বিররণ 32:12 - Chakma Bible

¹² লগেপ্রভু গায় গায় তারে চালেইনে লোই এলঅ, তার সমারে ন-এলাক্‌ কনঅ দেব-দেবেদা।

দ্বি’লম্বর বিররণ 32:12 ပူးပေါင်းရင်းမြစ်များ

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

ইয়োব 15:19

বানা তারা আধত্‌ দেজ্‌ছান দিয়্যে ওইয়্যে, কনঅ বিদেশি তারার্‌ জ্ঞানানিত্‌ কাঙেলেত্যে ন-গরন্‌।

গীতসংহিতা 136:16

যিবে তা মানুচ্চুনোরে ধূল্যেচর-চাগালান্দি নেযেয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 81:9

কনঅ দেব-দেবেদা তমার ন-থোক্; অন্য কনঅ জাদর দেবেদাগুনো ইদুয়ো তুমি মাধা ন-নিগিরিবা।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিশাইয় 63:14

লগেপ্রভুর আত্মাগান কলগত্ লামি যেইয়্যে য়েমান পাল ধোক্ক্যেন তারারে জিরেবাত্তে দিয়্যে। তার বাঈনী গুরিবার নাঙান থিদেবর্ গুরিবাত্তে তে এবাবোত্যেগুরি তা মানুচ্চুনোরে পরিচালনা গোজ্যে।”

হোশেয় 11:4

মুই কির্ব্যে গরানা আর কোচ্‌পানালোই তারারে চালেইদুং; তারা গত্তনা উগুরেত্তুন্ জুঙোলান্ তুলি নেযেদুং আর নিযো ওইনে তারারে হাবেদুং।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

যিহোশূয় 24:17

আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।