দ্বি’লম্বর বিররণ 32:1 - Chakma Bible

¹ ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

দ্বি’লম্বর বিররণ 32:1 ပူးပေါင်းရင်းမြစ်များ

গীতসংহিতা 49:1

ও বেক্ জাদ্‌তুন, তুমি এ কধাগান শুনো; যিগুনে এ জগদত্ বজত্তি গরর্ তুমি বেক্কুনে কান পাদঅ;

গীতসংহিতা 50:4

তা নিজো মানুচ্চুনোর বিচেরত্ এবাত্তে উগুরে আগাজ্‌ছানরে তে ডাগের্, আর ডাগেত্তে পিত্‌থিমীগানরে;

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 34:1

ও জাতিগুন্, তুমি কায়-কুরে এজঅ, শুনো; ও মানুচ্চুন্, তুমি কান্ পাদঅ। পিত্‌থিমী আর সিয়েন ভিদিরে বেক্ মানুচ্চুনে শুনোদোক্; সংসার আর তা মাদিত্তুন্ বানেয়্যে মানুচ্চুনে শুনোদোক্।‌

যিরমিয় 2:12

ও আগাজ্‌‍‍চান্, ইয়েন দেগিনে আমক্ অ আরঅ অমকদ দোরেইনে গির্‌‍‍‍‍গিরা,

যিরমিয় 22:29

ও দেজ্, দেজ্, দেজ্, লগেপ্রভুর কধানি শুন।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

দ্বি’লম্বর বিররণ 30:19

“তমা বিরুদ্ধে দাঙর্‌ আগাজ্‌ আর পিত্‌থিমীগানরে সাক্ষী রাগেইনে মুই কঙত্তে, এচ্চ্যে মুই তমা মুজুঙোত্‌ জীংকানি বা মরণর আর আশিদ্‌বাদর বা অভিশাব্‌পানি তুলি ধুরিলুং। তুমি জীংকানিগানরে বেঈ নেযঅ, যেনে তুমি আর তমার ঝি-পূঅগুনে বাঁজি থান্‌ আর তমার গোজেন লগেপ্রভুরে কোচ্‌পঅ, তার কধানি শুনো আর তারে আজাবোদে ধুরি রাগঅ, কিত্যে ইগুনো ভিদিরে আগে তমার জীংকানিগান। যে দেজ্‌ছান দিবার শমক্ তে তমার পুরোণি মানুচ্‌ অব্রাহাম, ইসহাক আর যাকোব ইদু গোজ্যে সিয়েনত্ ইয়েন ভিদিরে আঘে তমার আয়ুগান।”

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

দ্বি’লম্বর বিররণ 31:28

তুমি তমার গুট্টির বুড়ো নেতাগুনোরে আর কামগুরিয়ে বেক্কুনোরে মঅ মুজুঙোত্‌ এগত্তর্‌ গর্‌। মুই তারারে এই বেক্‌ কধানি কবাত্তে চাঙ্‌ আর দাঙর্‌ আগাজ্‌ আর পিত্‌থিমীগানরে তারার বিরুদ্ধে সাক্ষী রাগেইনে যেবাত্তে চাং।

দ্বি’লম্বর বিররণ 31:30

সে পরেন্দি মোশি এই গানর কধানি পোইল্যেত্তুন ধুরি যেরেন্দি সং বেক্‌ ইস্রায়েলীয়গুনোরে শুনেল:

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।