দ্বি’লম্বর বিররণ 31:7 - Chakma Bible

⁷ ইয়েনর পরেন্দি মোশি যিহোশূয়রে ডাগিলো আর বেক্‌ ইস্রায়েলীয়গুনোর মুজুঙোত্‌ তারে কলদে, “তুই দরমর অ আর মনত্‌ বুক্‌ বান, কিত্যে তত্তুনোই এই মানুচ্চুনো সমারে সেই দেজত্‌ যাহ্ পুরিবো যে দেজ্‌ছান ইগুনোরে দিবার শমক্‌ লগেপ্রভু ইগুনোর পুরোণি মানুচ্চুনো ইদু গোজ্যে। তত্তুনোই সেই দেজ্‌ছান সোম্বোত্তি ইজেবে ইগুনো ভিদিরে ভাগ গুরি দিয়্যে পুরিবো।

দ্বি’লম্বর বিররণ 31:7 ပူးပေါင်းရင်းမြစ်များ

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

১ রাজাবলী 2:2

পিত্তিমীর বেক্কুনে যে পথ্‌তানন্দি যান্‌ মুইয়ো ইক্কিনে সেই পথ্‌তানন্দি যাঙর্‌। সেনত্তেই তুই দরমর অ, নিজোরে যোগাজ্যে মরদ্‌পূঅ ইজেবে দেগা।

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

গণাণা 13:20

সিদুগোর্‌ মাদিত্‌ কি গম্‌ ক্ষেত-ক্ষেত্তি জর্মায়, না-কি ন-জর্মায়? সিয়েনত্‌ গাজবাজ্ আগন্‌, না-কি নেই? সে জাগানত্তুন্ কয়েক্কো গুলো-গুলি লোই আনিবাত্তে তুমি অমকদ চেট্টা গুরিবা।” সে অক্তত্‌ বানা আংগুর্‌ তুলোনা আরাম্ভ ওইয়্যে।

গণাণা 27:19

তুই তারে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিনে তারা মুজুঙোত্ তারে কামর্‌ ভারান্‌ দে।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

দ্বি’লম্বর বিররণ 1:38

মাত্তর্‌ তর্‌ এজাল্‌ দিয়্যে নূনোর পূঅ যিহোশূয় সুমিবো। তুই যিহোশূয়রে উচ্ছোমি তুলি দে, কিত্যে তেয়ই দেজ্‌ছান গজক্ গুরিনে ইস্রায়েলীয়গুনোর্‌ অধিকার্‌ ইজেবে দিবো।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 11:8

সেনত্যে যে দেজ্‌ছান গজক্ গুরিবাত্তে যর্দন গাঙান্‌ পার ওইনে যর্‌ সিদু যেইনে যেন সিয়েন গজক্ গুরিবার্‌ বলান পঅ আর লগেপ্রভু তমার পুরোণি মানুচ্‌ আর তারার্‌ বংশধরুনো ইদু দুধ আর মধুলোই ভোজ্যে যে দেজ্‌ছান দিবাত্তে এগেম্ গোজ্যে সিয়েনত্‌ ভালোক্ দিন বাঁজি থেই পার সেনত্যে এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনি পালন গুরিবা।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 31:3

তমার গোজেন লগেপ্রভু নিজে গাঙান্ পার্ ওইনে তমার আগে আগে যেবঅ। তমা মুজুঙোত্তুন সেই বেক্‌ জাদ্‌তুনোরে তেয়ই ভস্ত গুরি দিবো আর তুমি তারার দেজ্‌ছান গজক্ গুরি নেযেবা। লগেপ্রভুর কধা মজিম যিহোশূয় গাঙান পার্ ওইনে তমার আগে আগে যেবঅ।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।