দ্বি’লম্বর বিররণ 31:2 - Chakma Bible

² “মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।

দ্বি’লম্বর বিররণ 31:2 ပူးပေါင်းရင်းမြစ်များ

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

১ রাজাবলী 3:7

“ও মর্‌ গোজেন্‌ লগেপ্রভু, মর্‌ বাপ্পো দায়ূদোর জাগানত্‌ তুই ইক্কিনে তর্‌ চাগর্‌বোরে রাজা বানেয়োচ্‌। মাত্তর্‌ মর্‌ বয়জ্‌ছান অমকদ কম্‌, সেনত্তেই হবর্‌ ন-পাং কেধোক্ক্যেন্‌গুরি মর্‌ কামানি পালন্‌ গরা পুরিবো।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

যাত্রা 7:7

ফরৌণ লগে কধা কবার্‌ সময়োত্‌ মোশির্‌ বয়জ্‌ আশি বজর আর হারোণর তিরেশি।

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

প্রেরিত্‌ 7:23

মোশির বয়স্‌‌চান যেক্কে চল্লিশ বজর্ সেক্কে তে তার ইস্রায়েলীয় ভেইয়ুনো সমারে দেগা গুরিবাত্যে চেলঅ।

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 31:1

পরেদি মোশি বেক্‌ ইস্রায়েলীয়গুনোরে কলদে,

দ্বি’লম্বর বিররণ 34:7

মুরি যেবার সময়োত্‌ মোশির বয়স এলঅ একশঅ কুড়ি বজর। সেক্কেয়ো তার দেগিবার দৃষ্টিগান কুমি ন-যায় বা তার কিয়্যের্ জোরানঅ কুমি ন-যায়।