দ্বি’লম্বর বিররণ 31:18 - Chakma Bible

¹⁸ তারা দেব-দেবেদাগুনো ইন্দি ফিরিনে যেদক্কানি ভান্ন্যেই কাম্‌ গুরিবাক সেনত্যে মুই হামাক্কায় সেদিন্যে মর্‌ মুয়োন ফিরেই নেযেম।

দ্বি’লম্বর বিররণ 31:18 ပူးပေါင်းရင်းမြစ်များ

২ রাজাবলী 22:13

“ইবে যে বোইবো পাহ্ যেইয়্যে সিবে ভিদিরে যেদক্কানি কধা লেগা আঘে সে কধানি পৌইদ্যেনে তুমি যেইনে মত্তে আর এ জাগানর্‌ আহ্ বেক্‌ যিহূদার মানুচ্চুনোত্তে লগেপ্রভু ইদু পুযোর্‌ গরঅ। লগেপ্রভু আমা বিরুদ্ধে রাগ আগুনে জুলি উঠ্যে, কিত্তে আমা পূরোণি মানুচ্চুনে এ বোইবো কধামজিম্‌ ন-চলন্‌ আর পালেবাত্তে যেদক্কানি কধা সিয়োত্‌ লেগা আঘে সে ইজেবে তারা কাম্‌ ন-গরন্‌।”

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিহিষ্কেল 39:23

আর জাদ্‌তুনে হবর্ পেবাক যে, ইস্রায়েলীয়গুনে তারার্ পাপত্তে বন্দীদজাত্ যেইয়োন, কিত্যে তারা মঅ উগুরে অবিশ্বেজি ওইয়োন্। সেনত্তে মর্ মুয়োন মুই তারাত্তুন্ ফিরেই রাগেয়োং আর শত্রুগুনো আঢত্ তারারে তুলি দুয়োং; তারা বেক্কুনে যুদ্ধোত্ মারা পোজ্যন্।

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

বিচের গুরিয়্যেগুন 2:17

মাত্তর্‌ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্‌। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্‌ আর তারারে পূজো গুরিদাক্‌। তারার্‌ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্‌ তারা সেই পথ্‌তানন্দি ন-আদিনে কয়েকদিনো ভিদিরেই সে পথ্‌তানত্তুন্‌ সুরি যেদাক্‌।