দ্বি’লম্বর বিররণ 31:12 - Chakma Bible12 মরদ, মিলে, ঝি-পূঅ আর তমার নানান্ আদামর আহ্ শঅরর নানান্ জাদর্ মানুচ্চুনোরে ডাগিনে তুমি একলগে এগত্তর গুরিবা, যেনে তারা সিয়েনি শুনোন আর তমার গোজেন লগেপ্রভুরে ভোক্তি গুরিবাত্তে শিগোন্ আর এই রীদি-সুদোমর্ বেক্ কধানি দোলেডালে পালন গরন্। အခန်းကိုကြည့်ပါ။ |
দ্বি’লম্বর বিররণ 31:12
14 ပူးပေါင်းရင်းမြစ်များ
তুমি সে দিনোর্ কধা মনত্ তুল্য যেদিন্যে তুমি হোরেবত্ তমার্ গোজেন লগেপ্রভুর মুজুঙোত্ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্ এগত্তর্ গর্ যেনে তারা এ পিত্থিমীত্ সারা জিংকানিবর্ মরে ভোক্তি গুরি চুলিনে শিগি পারন্ আর তারার্ ঝি-পূঅগুনোরে মর্ উগুমোর্ কধাগানি শিক্ষ্যে দি পারন্।
ইস্রায়েলীয়গুনে আর তারা লগে বজত্তি গুরিয়্যে অন্য জাদর্ মানুচ্চুনে, তারার বুড়ো নেতাগুনে, কামগুরিয়েগুনে আরঅ বিচেরগুরিয়েগুনে, অত্তাৎ ইস্রায়েলীয় সমাজর বেক্ মানুচ্চুনে লগেপ্রভুর সাক্ষ্য-সুন্দুগোর দ্বিকিত্তেন্দি থিয়্যেই এলাক্; তারা সুন্দুক্কো বোইয়্যে লেবীয় ধর্মগুরুগুনো মুজুঙোত্ এলাক্। তারাত্তুন্ অদ্দেক্ মানুচ্ থিয়্যেলাক্ গরিষীম মুড়োবোর মুজুঙোত্ আর অদ্দেক মানুচ্ থিয়্যেলাক্ এবল মুড়োবোর মুজুঙোত্। লগেপ্রভুর চাগর্ মোশি এ কধানি আগে কোইয়্যে যেক্কে তে ইস্রায়েলীয়গুনো উগুরে আশিদ্বাদ গুরিবার উগুম দিয়্যে।
ကြော်ငြာတွေ