দ্বি’লম্বর বিররণ 30:8 - Chakma Bible

⁸ সেক্কে তুমি আরঅ লগেপ্রভুর বাধ্য ওইনে চলিবা আর তার যেদক্কানি উগুম এচ্চ্যে মুই তমারে দুয়োঙর্‌ সিয়েনি মানি চলিবা।

দ্বি’লম্বর বিররণ 30:8 ပူးပေါင်းရင်းမြစ်များ

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

ইফিষীয় 2:16

ইয়েন্অ তার্ উদ্দেচ্চ্য এলঅ, যেন তার্ ক্রুশোত্ মরণর্ মাধ্যমে সেই দ্বিয়েনরে তে এক কিয়্যেলোই গোজেন লগে আরঅ এগত্তর্ গরে; কিয়া এ দ্বিয়েনর্ ভিদিরে যে শত্রুতার্ ভাব্ এলঅ সিয়েনি তে তার্ ক্রুশোত্ মরাণার্ মাধ্যমে ভস্ত গোজ্জ্যে।

দ্বি’লম্বর বিররণ 30:2

সেই সলাবোত্‌ যেক্কে তুমি আর তমার ঝি-পূঅগুনে তমার গোজেন লগেপ্রভু ইদু ফিরি এবাক আর এচ্চ্যে মুই তমারে যেদক্কানি উগুম দুয়োঙর্‌ সিয়েনি পালেইনে মনে-পরাণে তার আওজ্ মজিম্ চলিবা,

দ্বি’লম্বর বিররণ 30:7

এই বেক্‌ অভিশাব্‌পানি তমার গোজেন লগেপ্রভু তমার শত্রুগুনো উগুরে আনিবো যিগুনে তমারে ঘিনান্‌ আর দুখ্‌ দুয়োন্‌।

দ্বি’লম্বর বিররণ 30:9

সেক্কে তমার গোজেন লগেপ্রভু বেক্কানিত্তুন তমারে ভালেদি গুরিবো। তে তমার কামত্‌ আশিদ্‌বাদ গুরিবো আর তমার পূঅগুনোর সোংখ্যে, য়েমানুনোর ছঅগুন আর ভুইয়োর ফলুন বাড়েই দিবো। তমার পুরোণি মানুচ্চুনো উগুরে তার যে ফুত্তি এলঅ তমা উগুরে আরঅ সেই ফুত্তিলোই তে তমারে ভালেদি গুরিবো-

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।