দ্বি’লম্বর বিররণ 30:5 - Chakma Bible

⁵ তমার পুরোণি মানুচ্চুনোর দেজত্‌ তে তমারে ফিরেই আনিবো আর তুমি সিয়েন আরঅ গজক্ গুরিবা। তে তমারে বোউত্‌ ভালেদি গুরিবো আর তমার পুরোণি মানেইয়ুনোত্তুনঅ তমার মান্‌জ্যর সোংখ্যেগুন বাড়েই দিবো।

দ্বি’লম্বর বিররণ 30:5 ပူးပေါင်းရင်းမြစ်များ

গীতসংহিতা 119:68

তুই গম্ আর ভালেদি গুরি থাচ্; তর্ সুদোমানি মরে শিগেই দে।

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিহিষ্কেল 36:11

মুই তমা উগুরে মানুচ্ আর য়েমান বাড়েই দিম আর তারা ফলবান আহ্ জনেদি বোউত্ অবাক্। মুই তমা উগুরে আগ ধোক্ক্যেন মানুচ্ বজত্তি গোরেম্ আর আগত্তুন্‌অ বেশ্ তমারে বেশ্ ভালেদি দান গুরিম। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।