দ্বি’লম্বর বিররণ 30:10 - Chakma Bible

¹⁰ হামাক্কায় যুনি তুমি তমার গোজেন লগেপ্রভুর বাধ্য ওইনে এ রীদি-সুদোমর্ বোইবোত্‌ লেখ্যে তার বেক্‌ উগুমানি আর সুুদোমানি পালঅ আর মনে-পরাণে তমার গোজেন লগেপ্রভুর ইন্দি ফিরো।

দ্বি’লম্বর বিররণ 30:10 ပူးပေါင်းရင်းမြစ်များ

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

যিহিষ্কেল 18:21

মাত্তর্ যুনি এক্কো পাজি মানুচ্ তার বেক পাপ্পানিত্তুন্ ফিরিনে মর্ বেক সুদোমানি পালায় আর ন্যায় আর ঠিগ্ কাম গরন সালে হামাক্কায় বাঁজিবো, ন-মুরিবো।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

যিহিষ্কেল 33:14

যুনি মুই এক্কো পাজি মান্‌‌‌‌জ্যরে কং, তুই ঘেচ্চেকগুরি মুরিবে, মাত্তর্ তে পরেদি তা পাপত্তুন্ ফিরিনে ন্যায় আর ঠিগ্ কাম গরে,

যিহিষ্কেল 33:19

এক্কো পাজি মানুচ্ যুনি তার পাজিগানিত্তুন্ ফিরিনে ন্যায় আর ঠিগ্ কাম্ গরে সালে সিয়েনত্তে তে বাঁজিবো।

সখরিয় 6:15

“যিগুনে দূরোত্ আগন্ তারা এইনে লগেপ্রভুর ঘরান বানেবার কামত্ সাহায্য গুরিবাক্। সেক্কে তুমি হবর্ পেবাদে যে, বেগত্তুন খেমতাবলা লগেপ্রভুই মরে তমা ইধু পাদেয়্যে। যুনি তুমি যত্তন্ গুরিনে তমা গোজেন লগেপ্রভুর কধানি পালঅ সালেই ইয়েনি বেক্কানি অবঅ।”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

১ করিন্হীয় 7:19

চুনু মাঢা কাবিলে বা কি আর ন-কাবিলে বা কি, গোজেনর্ উগুম পালানা অলঅ আজল্ কধা।

দ্বি’লম্বর বিররণ 29:21

তে ইস্রায়েলীয়গুনোর বেক্‌ গুট্টির ভিদিরেত্তুন অমংগলত্তে তারেই বেঈ নেযেব, আর তে এই রীদি-সুদোমর্ বোইবোত্‌ লেখ্যে সুদোম ভিদিরে যেদক্কানি অভিশাবর কধা কুয়ো ওইয়্যে সে কধা মজিম সিয়েনি গুরিবো।

দ্বি’লম্বর বিররণ 30:11

এচ্চ্যে মুই তমারে যে উগুমানি দুয়োঙর্‌ সিয়েনি পালানা তমার পক্ষে তেমন দরমর নয় বা এই উগুমানি তমার মুুজুুঙোত্তুন দুরোদঅ নয়।

দ্বি’লম্বর বিররণ 30:2

সেই সলাবোত্‌ যেক্কে তুমি আর তমার ঝি-পূঅগুনে তমার গোজেন লগেপ্রভু ইদু ফিরি এবাক আর এচ্চ্যে মুই তমারে যেদক্কানি উগুম দুয়োঙর্‌ সিয়েনি পালেইনে মনে-পরাণে তার আওজ্ মজিম্ চলিবা,

দ্বি’লম্বর বিররণ 30:8

সেক্কে তুমি আরঅ লগেপ্রভুর বাধ্য ওইনে চলিবা আর তার যেদক্কানি উগুম এচ্চ্যে মুই তমারে দুয়োঙর্‌ সিয়েনি মানি চলিবা।

দ্বি’লম্বর বিররণ 4:29

মাত্তর্‌ সিয়েনত্তুন্‌ তুমি তমা গোজেন লগেপ্রভু ইন্দি মন্‌ ফিরেবা আর সেক্কে তুমি তার্‌ কায়-কুরেত্তুন্‌ সাড়া পেবা, হামাক্কায়্‌ যেক্কেনে তুমি তমার্‌ বেক্‌ মন-পরাণানি দিইনে সিয়েনি গুরিবা।

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।