দ্বি’লম্বর বিররণ 3:6 - Chakma Bible

⁶ আমি সেই বেক্‌ আদাম আর শঅরানি এক্কুবারে শেজ্‌ গুরি দিয়্যেই। হিষ্‌বোনর রাজা সীহোন উগুরে আমি যেধোক্ক্যেন গোজ্যেই সেধোক্ক্যেন গুরি তারার্‌ মরদ, মিলে আর ঝি-পূঅ আর পত্তি আদাম আর শঅরানি আমি এক্কুবারে শেজ্‌ গুরি দিয়্যেই।

দ্বি’লম্বর বিররণ 3:6 ပူးပေါင်းရင်းမြစ်များ

গণাণা 21:2

সেক্কে ইস্রায়েলীয়গুনে লগেপ্রভু ইদু মানত্‌ গুরি কলাক্, “অরাগুনোর এই মানুচ্চুনোরে তুই যুনি আমার্‌ আঢর্‌ মুদো ভিদিরে আনি দুয়োচ্‌, সালে আমি তারার্‌ আদামানি আর শঅরানি এক্কুবারে ভস্ত গুরি ফেলেবং”

দ্বি’লম্বর বিররণ 1:4

ইমোরীয়গুনোর রাজা সীহোনরে আর ইদ্রিয়ী শঅরত্‌ বাশন দেজর রাজা ওগকরে অদেই দেনার পরেন্দি তে সিয়েন ফগদাং গুরিলো। সীহোনে রাজাগিরি গুরিদো হিষ্‌বোনোত্‌ আর ওগ রাজাগিরি গুরিদো অষ্টারোতত্‌।

দ্বি’লম্বর বিররণ 2:24

সে পরেন্দি লগেপ্রভু কোইয়্যেদে, তুমি নিগিলি যঅ আর অর্ণোন গাঙান্‌ পার্‌ ওইনে যঅ। চঅ, মুই হিষ্‌বোনোর ইমোরীয় রাজা সীহোন আর তার্‌ দেজ্‌ছান তমা আদত্‌ দি দুয়োং। তুমি তা দেজ্‌ছান গজক্ গরানা আরাম্ভ গুরিনে তারে যুদ্ধোত্‌ লামদে বাধ্য গরঅ।

দ্বি’লম্বর বিররণ 2:34

সে অক্তত্‌ আমি তার্‌ বেক্‌ আদামান আর শঅরান্‌ গজক্ গুরি নেযেলং আর তারার্‌ মরদ, মিলে আর ঝি-পূঅগুনোরে এক্কুবারে শেজ্ গুরি ফেলেলং; তারার্‌ কনজনরে আমি বাঁজেই ন রাগেলং।

দ্বি’লম্বর বিররণ 29:6

পিদে, আংগুরো-রস বা অন্য কনঅ মদ তুমি হেই ন-পঅ। লগেপ্রভুই সিয়েনি গোজ্যে যেনে তুমি বুঝি পার দে, তেয়ই তমার গোজেন লগেপ্রভু।

দ্বি’লম্বর বিররণ 3:2

সেক্কে লগেপ্রভু মরে কলঅ, তুই তারে ন-দোরেচ্‌, কিত্যে তারে আর তার্‌ দেজ্‌ছান আহ্‌ সৈন্যগুন মুই তমা আদত্‌ তুলি দুয়োং। তুই হিষ্‌বোনত্‌ বজত্তি গুরিয়্যে ইমোরীয়গুনোর্‌ রাজা সীহোনর্‌ অবস্থা যিয়েন্‌ গোজ্যচ্‌ ইবের্‌ অবস্থায়ো সেধোক্ক্যেন গুরিবে।

দ্বি’লম্বর বিররণ 3:5

এ বেক্‌ শঅরানি অজল্ অজল্ দেবাল্লোই ঘিজ্যে এলঅ আর সিয়েনত্‌ এলদে গেট্‌ আর গেদোর লাগাড়া। ভালোক্কানি দেবাল বাদে আদামঅ সিয়েনত্‌ এলঅ।

যিহোশূয় 11:14

এ শঅরানিত্তুন যেদক্কানি পযাপিরা আর এ্যমানপাল লুদো ওইয়্যে সিয়েনি ইস্রায়েলীয়গুনে নিজোত্তে নেযেলাক্‌; মাত্তর্‌ বেক্‌ মানুচ্চুনোরে তারা এক্কুবারে শেজ্‌ গুরি দিলাক্‌, এক্কো জেদা প্রাণীরেয়ো তারা বাঁজেই ন-রাগেলাক্।