দ্বি’লম্বর বিররণ 3:4 - Chakma Bible

⁴ সে অক্তত্ আমি তার্‌ বেক্‌ আদামানি আর শঅরানি গজক্ গুরি নেযেয়্যেই। তার্‌ ষায়েট্টান শঅর বেক্কানি আমি গজক্ গুরি নেযেয়্যেই; এক্কান বাদ ন রাগেই। গোদা অর্গোব চাগালাগান, অত্তাৎ বাশন ভিদিরে ওগর গোদা রেজ্যগান আমি গজক্ গুরি নেযেয়্যেই।

দ্বি’লম্বর বিররণ 3:4 ပူးပေါင်းရင်းမြစ်များ

১ রাজাবলী 4:13

রামোৎ গিলিয়দদ্‌ বিন্-গেবরে। তে অলদে গিলিয়দর মনঃশির পূঅ যায়ীরোর বেক্‌ আদামানির আর বাশনর অর্গোব চাগালার শাজন্‌গুরিয়্যে। অর্গোব চাগালাত্‌ অলদে দেবাল-ঘিজ্যে আর পিদোলর লাগাড়া দিয়্যে গেট্‌ সুদ্ধো ষায়েট্টান্‌ দাঙর্‌ দাঙর্‌ আদাম।

গণাণা 21:35

সেক্কে তারা ওগরে আর তার্‌ পূঅগুনোরে আর তার বেক্‌ সৈন্য-সামন্তগুনোরে মারে ফেলেলাক্‌। বেগ শেজত্‌ তার্‌ আর কনজনে বাঁজি ন-থেলাক্। তারা তার্‌ দেজ্‌ছানঅ গজক্ গুরি নিলাক।

দ্বি’লম্বর বিররণ 3:13

গিলিয়দ দেজর্‌ বাদবাগি ভাগ্‌কান্‌ আর রাজা ওগরে পুরো বাশন রেজ্যগান মুই মনঃশি-গুট্টির অদ্দেক মান্‌জ্যরে দিলুং। বাশন ভিদিরে বেক্‌ অর্গোব চাগালাগান্‌ রফায়ীগুনোর দেজ্‌ বিলিনে কুয়ো অদঅ।

দ্বি’লম্বর বিররণ 3:14

যায়ীর নাঙে মনঃশির এক্কো বংশধর গশূরীয় আর মাখাথীয়গুনোর দুঝি সং পুরো অর্গোব চাগালাগান্‌ কারি লোইনে নিজোর্‌ নাঙ্‌ মজিম সিয়েনর্‌ নাঙান্‌ রাগেয়্যে। সেনত্তেই ইক্কিনে বাশনরে হব্বোৎ-যায়ীর বিলিনে কুয়ো অদঅ।

দ্বি’লম্বর বিররণ 3:3

এধোক্ক্যেনগুরি আমার গোজেন লগেপ্রভু বাশনর রাজাবো ওগ আর তার্‌ বেক্‌ সৈন্যগুনোরে আমা আদত্‌ দি দিলো। আমি তারার্‌ বেক্কুনোরে মারে ফেলেয়্যেই; কাররে বাঁজেই ন-রাগেই।

দ্বি’লম্বর বিররণ 3:5

এ বেক্‌ শঅরানি অজল্ অজল্ দেবাল্লোই ঘিজ্যে এলঅ আর সিয়েনত্‌ এলদে গেট্‌ আর গেদোর লাগাড়া। ভালোক্কানি দেবাল বাদে আদামঅ সিয়েনত্‌ এলঅ।

দ্বি’লম্বর বিররণ 4:47

তারা সীহোনর্‌ আর বাশনর রাজা ওগর দেজ্‌ছান কারি নেযেয়োন। এ দ্বিবে ইমোরীয় রাজার্‌ রেজ্যগানি দ্বিয়ান্‌ এলদে যর্দনর্‌ পূগেন্দি।

যিহোশূয় 12:4

রফায়ীয়গুনো ভিদিরে যিগুনে বাঁজি এলাক্‌ বাশনর রাজা ওগ এলদে তারা ভিদিরে একজন। তে অষ্টারোৎ আর ইদ্রিয়ীতত্তুন রাজাগিরি গুরিদো।