দ্বি’লম্বর বিররণ 3:28 - Chakma Bible

²⁸ যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 3:28 ပူးပေါင်းရင်းမြစ်များ

১ বংশধর 22:6

সে পরেন্দি তে তার্‌ পুয়ো শলোমনরে ডাগিনে তা উগুরে ইস্রায়েল গোজেন লগেপ্রভুত্তে এক্কান্‌ ঘর্‌ তুলোনা কামান্‌ দিলো।

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

প্রেরিত্‌ 7:45

আমা পূরোণি মানুচ্চুনে সে তাম্বুলান্ পেইনে তারার্ নেতা যিহোশূয়র অধীনোত্ সিয়েন নিজো সমারে আমা এ দেজত্ আন্ন্যন্। গোজেনে সেক্কে তারা মুজুঙোত্ থেইনে অন্য জাদ্‌তুনোরে ধাবেই দিয়্যে আর তারা এ দেশ্‌‌চ‌ান গজক্ গোজ্জ্যন্। দায়ূদোর সময় সং সেই তাম্বুলান্ এ দেজত্ এলঅ।

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 1:38

মাত্তর্‌ তর্‌ এজাল্‌ দিয়্যে নূনোর পূঅ যিহোশূয় সুমিবো। তুই যিহোশূয়রে উচ্ছোমি তুলি দে, কিত্যে তেয়ই দেজ্‌ছান গজক্ গুরিনে ইস্রায়েলীয়গুনোর্‌ অধিকার্‌ ইজেবে দিবো।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 31:3

তমার গোজেন লগেপ্রভু নিজে গাঙান্ পার্ ওইনে তমার আগে আগে যেবঅ। তমা মুজুঙোত্তুন সেই বেক্‌ জাদ্‌তুনোরে তেয়ই ভস্ত গুরি দিবো আর তুমি তারার দেজ্‌ছান গজক্ গুরি নেযেবা। লগেপ্রভুর কধা মজিম যিহোশূয় গাঙান পার্ ওইনে তমার আগে আগে যেবঅ।

দ্বি’লম্বর বিররণ 31:7

ইয়েনর পরেন্দি মোশি যিহোশূয়রে ডাগিলো আর বেক্‌ ইস্রায়েলীয়গুনোর মুজুঙোত্‌ তারে কলদে, “তুই দরমর অ আর মনত্‌ বুক্‌ বান, কিত্যে তত্তুনোই এই মানুচ্চুনো সমারে সেই দেজত্‌ যাহ্ পুরিবো যে দেজ্‌ছান ইগুনোরে দিবার শমক্‌ লগেপ্রভু ইগুনোর পুরোণি মানুচ্চুনো ইদু গোজ্যে। তত্তুনোই সেই দেজ্‌ছান সোম্বোত্তি ইজেবে ইগুনো ভিদিরে ভাগ গুরি দিয়্যে পুরিবো।

ইব্রীয় 4:8

যুনি যিহোশূয় ইস্রায়েলীয়গুনোরে সেই জিরেবার জাগানত্ নেযেদ সালে গোজেনে পরেদি আর এক্কান সময়োর্ কধা ন-কদঅ।

যিহোশূয় 1:2

মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।