দ্বি’লম্বর বিররণ 3:27 - Chakma Bible

²⁷ তুই পিস্‌গার মাদাবোত্‌ উদিনে উত্তোর-দোগিন্‌ আর পূগ-পোঝিমেন্দি চেই লঅ। যর্দন গাঙান্‌ পার্‌ ওইনে যেক্কে তমার্‌ যানা ন-অবঅ সেক্কে নিজোর্‌ চোগে দেজ্‌ছান একবার্‌ চেই নেযঅ।

দ্বি’লম্বর বিররণ 3:27 ပူးပေါင်းရင်းမြစ်များ

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

গণাণা 23:14

ইয়েন্‌ কোইনে বালাকে তারে পিস্‌গা মুড়োবো উগুরে যে সোফীম নাঙে মাদ্‌তো আঘে সিয়েনত্‌ নেযেল। সিয়েনত্‌ তে সাত্তো পূজো বানেইনে এক এক্কো উগুরে এক্কো গুরি দামাড়া গোরু আর এক্কো গুরি ভেড়াছাগল উৎসর্ব গুরিলো।

গণাণা 27:12

ইয়েনর্ পরেদি লগেপ্রভু মোশিরে কলঅ, “তুই অবারীম মুড়োমুরির্‌ সংমধ্যে এই মুড়োবোত্‌ উদিনে যে দেজ্‌চান্‌ মুই ইস্রায়েলীয়গুনোরে দুয়োং সিয়েন্‌ চেই লঅ।

দ্বি’লম্বর বিররণ 1:37

তমার্‌ কারনে লগেপ্রভু মঅ উগুরে অমকদ বেজার্‌ ওইনে কোইয়্যেদে, সেই দেজত্‌ তমারঅ সমানা ন অবঅ,

দ্বি’লম্বর বিররণ 31:2

“মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।

দ্বি’লম্বর বিররণ 32:49

“তুই যিরীহোর উগুদোন্দি মোয়াব দেজর অবারীম মুড়োমুড়ি ভিদিরে নবো মুড়োবোত্‌ উঠ্যই আর সোম্বোত্তি ইজেবে যে কনান দেজ্‌চান মুই ইস্রায়েলীয়গুনোরে দুয়োঙর্ সিয়েন একবার চেই নেযা।

দ্বি’লম্বর বিররণ 32:52

সেনত্যেই যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েন তুমি দূরোত্তুন দেগিবা মাত্তর সিয়েনত্ তুমি চোমেই ন-পারিবা।”